सखिन्ह मध्य सिय सोहति कैसी । छबि-गन-मध्य महाछबि जैसी ॥
कर सरोज जयमाल सुहाई । बिस्व-बिजय-सोभा जेहिं छाई ॥
sakhinha madhya siya sohati kaisī | chabi-gana-madhya mahāchabi jaisī ||
kara saroja jayamāla suhāī | bisva-bijaya-sobhā jehiṃ chāī ||
Bala Kanda
Chapter 264: Sita places the victory garland on Shri Rama
5 verses · 264 of 361
What happens in this chapter
Sita places the victory garland on Shri Rama
Among her friends Sita shines like supreme beauty amid lesser beauties. In her lotus hands is the victory garland, bright with the glory of conquering the world. Her body is shy, her heart full of eagerness, and no one can see the hidden love. Coming near, she sees Shri Rama's beauty and stands still as a painted figure. A clever friend nudges her: put on the garland. She lifts it with both hands but, overcome by love, cannot. Her hands look like two lotuses on their stalks offering a garland to the moon in fear. Then Sita places the garland on Shri Rama's chest. The devas rain flowers, and the kings shrink like night lilies at sunrise.
तन सकोच मन परम उछाहू । गूढ़ प्रेम लखि परइ न काहू ॥
जाइ समीप राम छबि देखी । रहि जनु कुँअरि चित्र अवरेखी ॥
tana sakoca mana parama uchāhū | gūr̤ha prema lakhi parai na kāhū ||
jāi samīpa rāma chabi dekhī | rahi janu kum̐ari citra avarekhī ||
चतुर सखीं लखि कहा बुझाई । पहिरावहु जयमाल सुहाई ॥
सुनत जुगल कर माल उठाई । प्रेम बिबस पहिराइ न जाई ॥
catura sakhīṃ lakhi kahā bujhāī | pahirāvahu jayamāla suhāī ||
sunata jugala kara māla uṭhāī | prema bibasa pahirāi na jāī ||
सोहत जनु जुग जलज सनाला । ससिहि सभीत देत जयमाला ॥
गावहिँ छवि अवलोकि सहेली । सियँ जयमाल राम उर मेली ॥
sohata janu juga jalaja sanālā | sasihi sabhīta deta jayamālā ||
gāvahim̐ chavi avaloki sahelī | siyam̐ jayamāla rāma ura melī ||
रघुबर उर जयमाल, देखि देव बरषहिँ सुमन ।
सकुचे सकल भुआल, जनु बिलोकि रवि कुमुद-गन ॥
raghubara ura jayamāla, dekhi deva baraṣahim̐ sumana |
sakuce sakala bhuāla, janu biloki ravi kumuda-gana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0