देखी बिपुल बिकल बैदेही । निमिष बिहात कलप सम तेही ॥
तृषित बारि बिनु जो तनु त्यागा । मुये करइ का सुधा तड़ागा ॥
dekhī bipula bikala baidehī | nimiṣa bihāta kalapa sama tehī ||
tṛṣita bāri binu jo tanu tyāgā | muye karai kā sudhā tar̤āgā ||
Bala Kanda
Chapter 261: Shri Rama breaks Shiva's bow
6 verses · 261 of 361
What happens in this chapter
Shri Rama breaks Shiva's bow
Shri Rama sees Vaidehi so distressed that each moment is an age to her. If the thirsty die without water, what use is a lake of nectar? What use is rain once the crop has dried? Thinking so, he looks at Janaki and thrills at her love. Bowing to the guru in his mind, he lifts the bow with great swiftness. It flashes like lightning, then becomes a circle in the sky. No one sees him string and draw it. In that instant he snaps it in the middle. A terrible crash fills the worlds; the sun's horses stray, the elephants of the quarters trumpet, the earth shakes. Devas, asuras and munis cover their ears, then cry: Rama has broken the bow, victory!
का बरषा जब कृषी सुखानें । समय चुकें पुनि का पछितानें ॥
अस जियँ जानि जानकी देखी । प्रभु पुलके लखि प्रीति बिसेखी ॥
kā baraṣā jaba kṛṣī sukhāneṃ | samaya cukeṃ puni kā pachitāneṃ ||
asa jiyam̐ jāni jānakī dekhī | prabhu pulake lakhi prīti bisekhī ||
गुरुहि प्रनाम मनहिँ मन कीन्हा । अति लाघवँ उठाइ धनु लीन्हा ॥
दमकेउ दामिनि जिमि जब लयऊ । पुनि नभ धनु मंडल सम भयऊ ॥
guruhi pranāma manahim̐ mana kīnhā | ati lāghavam̐ uṭhāi dhanu līnhā ||
damakeu dāmini jimi jaba layaū | puni nabha dhanu maṃḍala sama bhayaū ||
लेत चढ़ावत खैँचत गाढ़ें । काहु न लखा देख सबु ठाढ़ें ॥
तेहि छन राम मध्य धनु तोरा । भरे भुवन धुनि घोर कठोरा ॥
leta car̤hāvata khaim̐cata gār̤heṃ | kāhu na lakhā dekha sabu ṭhār̤heṃ ||
tehi chana rāma madhya dhanu torā | bhare bhuvana dhuni ghora kaṭhorā ||
भरे भुवन घोर कठोर रव रबि, बाजि तजि मारग चले ।
चिक्करहिँ दिग्गज डोल महि अहि, कोल कूरुम कलमले ॥
सुर असुर मुनि कर कान दीन्हें, सकल बिकल बिचारहीँ ।
कोदंड खंडेउ राम तुलसी, जयति बचन उचारहीँ ॥
bhare bhuvana ghora kaṭhora rava rabi, bāji taji māraga cale |
cikkarahim̐ diggaja ḍola mahi ahi, kola kūruma kalamale ||
sura asura muni kara kāna dīnheṃ, sakala bikala bicārahīm̐ |
kodaṃḍa khaṃḍeu rāma tulasī, jayati bacana ucārahīm̐ ||
सङ्कर-चाप जहाज, सागर रघुबर बाहुबल ।
बूड़ सो सकल समाज, चढ़े जो प्रथमहिँ मोह-बस ॥
saṅkara-cāpa jahāja, sāgara raghubara bāhubala |
būr̤a so sakala samāja, car̤he jo prathamahim̐ moha-basa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0