लखन सकोप बचन जब बोले । डगमगानि महि दिग्गज डोले ॥
सकल लोक सब भूप डेराने । सिय हियँ हरष जनक सकुचाने ॥
lakhana sakopa bacana jaba bole | ḍagamagāni mahi diggaja ḍole ||
sakala loka saba bhūpa ḍerāne | siya hiyam̐ haraṣa janaka sakucāne ||
Bala Kanda
Chapter 254: Vishvamitra bids Shri Rama break the bow
5 verses · 254 of 361
What happens in this chapter
Vishvamitra bids Shri Rama break the bow
When Lakshmana speaks in anger the earth shakes and the elephants of the quarters tremble. The kings are afraid, Sita rejoices and Janaka is abashed, while the guru and the munis thrill with joy. With a glance Shri Rama checks Lakshmana and seats him lovingly beside him. Knowing the moment is auspicious, Vishvamitra says tenderly: rise, Rama, break the bow of Bhava and end Janaka's anguish. Shri Rama bows at his feet, with neither joy nor sorrow in his heart, and rises at ease, with a bearing that shames a young lion. On the dais the young sun of the Raghus rises, the lotuses of the saints bloom and the bees of their eyes rejoice.
गुरु रघुपति सब मुनि मन माहीँ । मुदित भये पुनि पुनि पुलकाहीँ ॥
सयनहिँ रघुपति लखन निवारे । प्रेम समेत निकट बैठारे ॥
guru raghupati saba muni mana māhīm̐ | mudita bhaye puni puni pulakāhīm̐ ||
sayanahim̐ raghupati lakhana nivāre | prema sameta nikaṭa baiṭhāre ||
बिस्वामित्र समय सुभ जानी । बोले अति-सनेह-मय बानी ॥
उठहु राम भंजहु भवचापा । मेटहु तात जनक परितापा ॥
bisvāmitra samaya subha jānī | bole ati-saneha-maya bānī ||
uṭhahu rāma bhaṃjahu bhavacāpā | meṭahu tāta janaka paritāpā ||
सुनि गुरु बचन चरन सिर नावा । हरष विषाद न कछु उर आवा ॥
ठाढ़े भये उठि सहज सुभाये । ठवनि जुबा मृगराज लजाये ॥
suni guru bacana carana sira nāvā | haraṣa viṣāda na kachu ura āvā ||
ṭhār̤he bhaye uṭhi sahaja subhāye | ṭhavani jubā mṛgarāja lajāye ||
उदित उदय-गिरि मञ्च पर, रघुबर बाल-पतङ्ग ।
बिकसे सन्त सरोज सब, हरषे लोचन-भृङ्ग ॥
udita udaya-giri mañca para, raghubara bāla-pataṅga |
bikase santa saroja saba, haraṣe locana-bhṛṅga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0