अध्याय 254: विश्वामित्र श्रीराम को धनुष तोड़ने की आज्ञा देते हैं

लखन सकोप बचन जब बोले । डगमगानि महि दिग्गज डोले ॥
सकल लोक सब भूप डेराने । सिय हियँ हरष जनक सकुचाने ॥

lakhana sakopa bacana jaba bole | ḍagamagāni mahi diggaja ḍole ||
sakala loka saba bhūpa ḍerāne | siya hiyam̐ haraṣa janaka sakucāne ||

गुरु रघुपति सब मुनि मन माहीँ । मुदित भये पुनि पुनि पुलकाहीँ ॥
सयनहिँ रघुपति लखन निवारे । प्रेम समेत निकट बैठारे ॥

guru raghupati saba muni mana māhīm̐ | mudita bhaye puni puni pulakāhīm̐ ||
sayanahim̐ raghupati lakhana nivāre | prema sameta nikaṭa baiṭhāre ||

बिस्वामित्र समय सुभ जानी । बोले अति-सनेह-मय बानी ॥
उठहु राम भंजहु भवचापा । मेटहु तात जनक परितापा ॥

bisvāmitra samaya subha jānī | bole ati-saneha-maya bānī ||
uṭhahu rāma bhaṃjahu bhavacāpā | meṭahu tāta janaka paritāpā ||

सुनि गुरु बचन चरन सिर नावा । हरष विषाद न कछु उर आवा ॥
ठाढ़े भये उठि सहज सुभाये । ठवनि जुबा मृगराज लजाये ॥

suni guru bacana carana sira nāvā | haraṣa viṣāda na kachu ura āvā ||
ṭhār̤he bhaye uṭhi sahaja subhāye | ṭhavani jubā mṛgarāja lajāye ||