कहहु काहि यह लाभ न भावा । काहुँ न सङ्कर-चाप चढ़ावा ॥
रहउ चढ़ाउब तोरब भाई । तिल भर भूमि न सके छड़ाई ॥
kahahu kāhi yaha lābha na bhāvā | kāhum̐ na saṅkara-cāpa car̤hāvā ||
rahau car̤hāuba toraba bhāī | tila bhara bhūmi na sake char̤āī ||
Bala Kanda
Chapter 252: Janaka's lament and Lakshmana's anger
5 verses · 252 of 361
What happens in this chapter
Janaka's lament and Lakshmana's anger
Janaka goes on: who did not want this prize? Yet none could string Shankara's bow, or even shift it a sesame seed's breadth. Let no proud warrior take offence; I know the earth is empty of heroes. Go home, Brahma has not written Vaidehi's marriage. If I break my vow my merit is lost, so let the princess stay unwed. Had I known, I would never have made the vow and become a laughing stock. The people look at Janaki and grieve. Lakshmana is enraged; his brows knit, his lips quiver, his eyes blaze. In awe of Shri Rama he holds back, though the words pierce like arrows, then bows at Rama's feet and speaks.
अब जनि कोउ माखै भट मानी । बीर-बिहीन मही मैं जानी ॥
तजहु आस निज निज गृह जाहू । लिखा न बिधि बैदेहि बिबाहू ॥
aba jani kou mākhai bhaṭa mānī | bīra-bihīna mahī maiṃ jānī ||
tajahu āsa nija nija gṛha jāhū | likhā na bidhi baidehi bibāhū ||
सुकृत जाइ जौँ पन परिहरऊँ । कुँअरि कुआरि रहउ का करऊँ ॥
जौँ जनतेउँ बिनु भट भुबि भाई । तौ पन करि होतेउँ न हँसाई ॥
sukṛta jāi jaum̐ pana pariharaūm̐ | kum̐ari kuāri rahau kā karaūm̐ ||
jaum̐ janateum̐ binu bhaṭa bhubi bhāī | tau pana kari hoteum̐ na ham̐sāī ||
जनक बचन सुनि सब नर नारी । देखि जानकिहि भये दुखारी ॥
माखे लखन कुटिल भइँ भौंहें । रद-पट फरकत नयन रिसौंहें ॥
janaka bacana suni saba nara nārī | dekhi jānakihi bhaye dukhārī ||
mākhe lakhana kuṭila bhaim̐ bhauṃheṃ | rada-paṭa pharakata nayana risauṃheṃ ||
कहि न सकत रघुबीर डर, लगे बचन जनु बान ।
नाइ राम-पद-कमल सिर, बोले गिरा प्रमान ॥
kahi na sakata raghubīra ḍara, lage bacana janu bāna |
nāi rāma-pada-kamala sira, bole girā pramāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0