सेवत तोहि सुलभ फल चारी । बरदायनी पुरारि पिआरी ॥
देबि पूजि पद-कमल तुम्हारे । सुर नर मुनि सब होहिँ सुखारे ॥
sevata tohi sulabha phala cārī | baradāyanī purāri piārī ||
debi pūji pada-kamala tumhāre | sura nara muni saba hohim̐ sukhāre ||
Bala Kanda
Chapter 236: Bhavani's garland falls and she blesses Sita
6 verses · 236 of 361
What happens in this chapter
Bhavani's garland falls and she blesses Sita
Sita goes on: those who serve you easily gain the four fruits of life, O beloved of Tripurari, giver of boons; gods, men and munis all find happiness by worshipping your feet. You know my wish well, for you dwell in every heart, so I have not spoken it aloud. Saying this, she clasps the Devi's feet. Moved by her humility and love, Bhavani lets her garland slip, and the image smiles. Sita reverently places the prasad on her head. Gauri speaks with joy: my blessing is true, your heart's desire will be fulfilled. Narada's word never fails; the dark, gentle, compassionate groom your heart is set on will be yours. Sita and her friends return home glad, and her left side begins to throb, a sign of good fortune.
मोर मनोरथ जानहु नीकें । बसहु सदा उर-पुर सबही कें ॥
कीन्हेउँ प्रगट न कारन तेहीं । अस कहि चरन गहे बैदेहीं ॥
mora manoratha jānahu nīkeṃ | basahu sadā ura-pura sabahī keṃ ||
kīnheum̐ pragaṭa na kārana tehīṃ | asa kahi carana gahe baidehīṃ ||
बिनय प्रेम-बस भई भवानी । खसी माल मूरति मुसुकानी ॥
सादर सियँ प्रसाद सिर धरेऊ । बोली गौरि हरष हियँ भरेऊ ॥
binaya prema-basa bhaī bhavānī | khasī māla mūrati musukānī ||
sādara siyam̐ prasāda sira dhareū | bolī gauri haraṣa hiyam̐ bhareū ||
सुनु सिय सत्य असीस हमारी । पूजिहि मन-कामना तुम्हारी ॥
नारद बचन सदा सुचि साँचा । सो बर मिलिहि जाहिँ मन राचा ॥
sunu siya satya asīsa hamārī | pūjihi mana-kāmanā tumhārī ||
nārada bacana sadā suci sām̐cā | so bara milihi jāhim̐ mana rācā ||
मन जाहिँ राचेउ मिलिहि सो बर-सहज सुन्दर साँवरो ।
करुना निधान सुजान सील सनेह जानत रावरो ॥
एहि भाँति गौरि असीस सुनि सिय, सहित हियँ हरषित अली ।
तुलसी भवानिहि पूजि पुनि पुनि, मुदित मन मन्दिर चली ॥
mana jāhim̐ rāceu milihi so bara-sahaja sundara sām̐varo |
karunā nidhāna sujāna sīla saneha jānata rāvaro ||
ehi bhām̐ti gauri asīsa suni siya, sahita hiyam̐ haraṣita alī |
tulasī bhavānihi pūji puni puni, mudita mana mandira calī ||
जानि गौरि अनुकूल, सिय-हिय-हरष न जाइ कहि ।
मञ्जुल-मङ्गल-मूल, बाम अङ्ग फरकन लगे ॥
jāni gauri anukūla, siya-hiya-haraṣa na jāi kahi |
mañjula-maṅgala-mūla, bāma aṅga pharakana lage ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0