5 verses · 218 of 361
Lakshmana longs to go and see Janakpur, but out of awe for his brother and shyness before the muni he says nothing and only smiles to himself. Rama reads His brother's heart, and His love for His devotee wells up. Shyly, with the guru's leave, He says: Lord, Lakshmana wants to see the city but is too shy to say so. With your leave I will show him round and return at once. The muni answers lovingly: why would you not keep to propriety, Rama? You guard the bridge of dharma and, ruled by love, give joy to those who serve you. Go and see the city, both of you treasures of joy, and let everyone's eyes be blessed by the sight of your faces.
लखन हृदयँ लालसा बिसेखी । जाइ जनकपुर आइअ देखी ॥
प्रभु भय बहुरि मुनिहि सकुचाहीँ । प्रगट न कहहिँ मनहिँ मुसुकाहीँ ॥
lakhana hṛdayam̐ lālasā bisekhī | jāi janakapura āia dekhī ||
prabhu bhaya bahuri munihi sakucāhīm̐ | pragaṭa na kahahim̐ manahim̐ musukāhīm̐ ||
राम अनुज मन की गति जानी । भगत बछलता हिंयँ हुलसानी ॥
परम बिनीत सकुचि मुसुकाई । बोले गुरु अनुसासन पाई ॥
rāma anuja mana kī gati jānī | bhagata bachalatā hiṃyam̐ hulasānī ||
parama binīta sakuci musukāī | bole guru anusāsana pāī ||
नाथ लखन पुर देखन चहहीँ । प्रभु सकोच डर प्रगट न कहहीँ ॥
जौँ राउर आयसु मैँ पावउँ । नगर देखाइ तुरत लेइ आवउँ ॥
nātha lakhana pura dekhana cahahīm̐ | prabhu sakoca ḍara pragaṭa na kahahīm̐ ||
jaum̐ rāura āyasu maim̐ pāvaum̐ | nagara dekhāi turata lei āvaum̐ ||
सुनि मुनीस कह बचन सप्रीती । कस न राम तुम्ह राखहु नीती ॥
धरम-सेतु-पालक तुम्ह ताता । प्रेम-बिबस सेवक-सुख-दाता ॥
suni munīsa kaha bacana saprītī | kasa na rāma tumha rākhahu nītī ||
dharama-setu-pālaka tumha tātā | prema-bibasa sevaka-sukha-dātā ||
जाइ देखि आवहु नगर, सुख-निधान दोउ भाइ ।
करहु सुफल सब के नयन, सुन्दर बदन देखाइ ॥
jāi dekhi āvahu nagara, sukha-nidhāna dou bhāi |
karahu suphala saba ke nayana, sundara badana dekhāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
