कीन्ह प्रनाम चरन धरि माथा । दीन्हि असीस मुदित मुनिनाथा ॥
बिप्र-वृन्द सब सादर बन्दे । जानि भाग्य बड़ राउ अनन्दे ॥
kīnha pranāma carana dhari māthā | dīnhi asīsa mudita munināthā ||
bipra-vṛnda saba sādara bande | jāni bhāgya bar̤a rāu anande ||
Bala Kanda
Chapter 215: Janaka sees Rama and loses himself
5 verses · 215 of 361
What happens in this chapter
Janaka sees Rama and loses himself
Janaka bows at the muni's feet and is blessed; he salutes the Brahmanas and rejoices in his fortune. Vishvamitra asks after his welfare and seats him. Just then the two brothers return from seeing the flower garden, dark and fair, tender in years, stealers of the world's heart. Everyone rises, and the muni seats them beside him. Eyes fill with tears and bodies thrill at the sight. Videha, already beyond the body, becomes doubly so on seeing that sweet form. Feeling his mind drowning in love, the king steadies himself, bows at the muni's feet and speaks in a voice choked with feeling.
कुसल प्रस्न कहि बारहिँ बारा । विस्वामित्र नृपहि बैठारा ॥
तेहि अवसर आये दोउ भाई । गये रहे देखन फुलवाई ॥
kusala prasna kahi bārahim̐ bārā | visvāmitra nṛpahi baiṭhārā ||
tehi avasara āye dou bhāī | gaye rahe dekhana phulavāī ||
स्याम गौर मृदु बयस किसोरा । लोचन सुखद बिस्व-चित चोरा ॥
उठे सकल जब रघुपति आये । विस्वामित्र निकट बैठाये ॥
syāma gaura mṛdu bayasa kisorā | locana sukhada bisva-cita corā ||
uṭhe sakala jaba raghupati āye | visvāmitra nikaṭa baiṭhāye ||
भये सब सुखी देखि दोउ भ्राता । बारि बिलोचन पुलकित गाता ॥
मूरति मधुर मनोहर देखी । भयउ विदेह बिदेह बिसेखी ॥
bhaye saba sukhī dekhi dou bhrātā | bāri bilocana pulakita gātā ||
mūrati madhura manohara dekhī | bhayau videha bideha bisekhī ||
प्रेम मगन मन जानि नृप, करि बिबेक धरि धीर ।
बोलेउ मुनि-पद नाइ सिर, गदगद गिरा गँभीर ॥
prema magana mana jāni nṛpa, kari bibeka dhari dhīra |
boleu muni-pada nāi sira, gadagada girā gam̐bhīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0