अध्याय 184: गौ रूप धरकर पृथ्वी का ब्रह्मा के पास जाना

बाढ़े खल बहु चोर जुआरा । जे लम्पट पर-धन पर-दारा ॥
मानहिँ मातु पिता नहिँ देवा । साधुन्ह सन करवावहिँ सेवा ॥

bār̤he khala bahu cora juārā | je lampaṭa para-dhana para-dārā ||
mānahim̐ mātu pitā nahim̐ devā | sādhunha sana karavāvahim̐ sevā ||

जिन्ह के यह आचरन भवानी । ते जानेहु निसिचर सम प्रानी ॥
अतिसय देखि धरम कै हानी । परम सभीत धरा अकुलानी ॥

jinha ke yaha ācarana bhavānī | te jānehu nisicara sama prānī ||
atisaya dekhi dharama kai hānī | parama sabhīta dharā akulānī ||

गिरि सरि सिन्धु भार नहिँ मोही । जस मोहि गरुअ एक पर-द्रोही ॥
सकल धरम देखा बिपरीता । कहि न सकइ रावन भय भीता ॥

giri sari sindhu bhāra nahim̐ mohī | jasa mohi garua eka para-drohī ||
sakala dharama dekhā biparītā | kahi na sakai rāvana bhaya bhītā ||

धेनु-रूप धरि हृदयँ बिचारी । गई तहाँ जहँ सुर-मुनि-झारी ॥
निज-सन्ताप सुनायेसि रोई । काहूँ तेँ कछु काज न होई ॥

dhenu-rūpa dhari hṛdayam̐ bicārī | gaī tahām̐ jaham̐ sura-muni-jhārī ||
nija-santāpa sunāyesi roī | kāhūm̐ tem̐ kachu kāja na hoī ||