प्रनवउँ परिजन सहित बिदेहू । जाहि राम-पद गूढ़-सनेहू ॥
जोग भोग महँ राखेउ गोई । राम बिलोकत प्रगटेउ सोई ॥
pranavaum̐ parijana sahita bidehū | jāhi rāma-pada gūr̤ha-sanehū ||
joga bhoga maham̐ rākheu goī | rāma bilokata pragaṭeu soī ||
Bala Kanda
Chapter 17: Janaka, Rama's brothers and Hanuman
6 verses · 17 of 361
What happens in this chapter
Janaka, Rama's brothers and Hanuman
Tulsidas bows to Videha Janaka and his household. Janaka hid his deep love for Rama within yoga and worldly life, and it broke out the moment he saw Rama. He bows first to Bharata, whose vows are beyond words and whose mind clings to Rama's feet like a greedy bee. He bows to Lakshmana, the staff of the banner of Raghupati's glory, who is Shesha of a thousand heads come down to lift the earth's burden, and asks him to stay kind. He bows to brave, gentle Shatrughna, who follows Bharata, and to the great hero Hanuman, whose glory Rama himself told. The soratha: Hanuman is fire to the forest of the wicked, and Rama, bow in hand, lives in his heart.
प्रनवउँ प्रथम भरत के चरना । जासु नेम ब्रत जाइ न बरना ॥
राम-चरन-पङ्कज मन जासू । लुबुध मधुप इव तजइ न पासू ॥
pranavaum̐ prathama bharata ke caranā | jāsu nema brata jāi na baranā ||
rāma-carana-paṅkaja mana jāsū | lubudha madhupa iva tajai na pāsū ||
बन्दउँ लछिमन-पद-जल जाता । सीतल सुभग भगत-सुख दाता ॥
रघुपति कीरति बिमल पताका । दंड-समान भयउ जस जाका ॥
bandaum̐ lachimana-pada-jala jātā | sītala subhaga bhagata-sukha dātā ||
raghupati kīrati bimala patākā | daṃḍa-samāna bhayau jasa jākā ||
सेष सहस्त्र-सीस जग कारन । जो अवतरेउ भूमि-भय-टारन ॥
सदा सो सानुकूल रह मो पर । कृपासिन्धु सौमित्रि गुनाकर ॥
seṣa sahastra-sīsa jaga kārana | jo avatareu bhūmi-bhaya-ṭārana ||
sadā so sānukūla raha mo para | kṛpāsindhu saumitri gunākara ||
रिपुसूदन पद कमल नमामी । सूर सुसील भरत अनुगामी ॥
महाबीर बिनवउँ हनुमाना । राम जासु जस आपु बखाना ॥
ripusūdana pada kamala namāmī | sūra susīla bharata anugāmī ||
mahābīra binavaum̐ hanumānā | rāma jāsu jasa āpu bakhānā ||
प्रनवउँ पवन कुमार, खल बन पावक ज्ञान घन ।
जासु हृदय आगार, बसहिं राम सर चाप धर ॥
pranavaum̐ pavana kumāra, khala bana pāvaka jñāna ghana |
jāsu hṛdaya āgāra, basahiṃ rāma sara cāpa dhara ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0