5 verses · 169 of 361
The ascetic continues: this way, with very little effort, all brahmins will come under your sway, and as they perform homa, yajna and worship, the devas too will easily be won. One more thing: I will never come in this guise. By my maya I will carry off your family priest, make him like myself by the power of tapas and keep him here a full year, while I take his form and arrange everything for you. The night is far gone; sleep now. We will meet on the third day. By my tapas I will carry you, with your horse, to your palace while you sleep. I will come in that guise; recognise me then, when I call you aside and tell you this whole katha.
एहि बिधि भूप कष्ट अति थोरें । होइहहिँ सकल बिप्र बस तोरें ॥
करिहहिँ बिप्र होम मख सेवा । तेहिं प्रसङ्ग सहजेहिं बस देवा ॥
ehi bidhi bhūpa kaṣṭa ati thoreṃ | hoihahim̐ sakala bipra basa toreṃ ||
karihahim̐ bipra homa makha sevā | tehiṃ prasaṅga sahajehiṃ basa devā ||
अउर एक तोहि कहउँ लखाऊ । मैँ एहि बेष न आउब काऊ ॥
तुम्हरे उपरोहित कहँ राया । हरि आनब मैँ करि निज माया ॥
aura eka tohi kahaum̐ lakhāū | maim̐ ehi beṣa na āuba kāū ||
tumhare uparohita kaham̐ rāyā | hari ānaba maim̐ kari nija māyā ||
तप बल तेहि करि आपु समाना । रखिहउँ इहाँ बरष परवाना ॥
मैँ धरि तासु बेष सुनु राजा । सब बिधि तोर सँवारब काजा ॥
tapa bala tehi kari āpu samānā | rakhihaum̐ ihām̐ baraṣa paravānā ||
maim̐ dhari tāsu beṣa sunu rājā | saba bidhi tora sam̐vāraba kājā ||
गइ निसि बहुत सयन अब कीजे । मोहि तोहि भूप भेँट दिन तीजे ॥
मैँ तप बल तोहि तुरग समेता । पहुँचेहउँ सोवतहि निकेता ॥
gai nisi bahuta sayana aba kīje | mohi tohi bhūpa bhem̐ṭa dina tīje ||
maim̐ tapa bala tohi turaga sametā | pahum̐cehaum̐ sovatahi niketā ||
मैँ आउब सोइ वेष धरि, पहिचानेहु तब मोहि ।
जब एकान्त बोलाइ सब, कथा सुनावउँ तोहि ॥
maim̐ āuba soi veṣa dhari, pahicānehu taba mohi |
jaba ekānta bolāi saba, kathā sunāvaum̐ tohi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
