ससि-कर सम सुनि गिरा तुम्हारी । मिटा मोह सरदातप भारी ॥
तुम्ह कृपाल मम संसय हरेऊ । राम-सरूप जानि मोहि परेऊ ॥
sasi-kara sama suni girā tumhārī | miṭā moha saradātapa bhārī ||
tumha kṛpāla mama saṃsaya hareū | rāma-sarūpa jāni mohi pareū ||
Bala Kanda
Chapter 120: Why the formless took a human form
8 verses · 120 of 361
What happens in this chapter
Why the formless took a human form
Parvati says: hearing your words, cool as moonbeams, the fierce autumn heat of my delusion is gone. In your mercy you have removed my doubt and I have understood Rama's nature. Know me as your servant, though by nature I am a dull, unknowing woman. If you are pleased with me, tell what I first asked: Rama is Brahman, pure consciousness, imperishable, apart from all yet dwelling in every heart; why did he take a human body? Explain it to me, bull-bannered Lord. Hearing her humble words and pure love for the Rama katha, Kama's foe rejoices and says: hear, Bhavani, the holy Ramcharitmanas that Bhushundi told and Garuda, king of birds, heard. I will tell, as far as my mind allows, of Rama's avatara and his faultless deeds.
नाथ कृपाँ अब गयउ बिषादा । सुखी भयउँ प्रभु-चरन-प्रसादा ॥
अब मोहि आपनि किङ्करि जानी । जदपि सहज जड़ नारि अयानी ॥
nātha kṛpām̐ aba gayau biṣādā | sukhī bhayaum̐ prabhu-carana-prasādā ||
aba mohi āpani kiṅkari jānī | jadapi sahaja jar̤a nāri ayānī ||
प्रथम जो मैँ पूछा सोइ कहहू । जौँ मो पर प्रसन्न प्रभु अहहू ॥
राम ब्रह्म चिनमय अबिनासी । सर्व रहित सब उर-पुर वासी ॥
prathama jo maim̐ pūchā soi kahahū | jaum̐ mo para prasanna prabhu ahahū ||
rāma brahma cinamaya abināsī | sarva rahita saba ura-pura vāsī ||
नाथ धरेउ नर तनु केहि हेतू । मोहि समुझाइ कहहु बृषकेतू ॥
उमा बचन सुनि परम बिनीता । राम कथा पर प्रीति पुनीता ॥
nātha dhareu nara tanu kehi hetū | mohi samujhāi kahahu bṛṣaketū ||
umā bacana suni parama binītā | rāma kathā para prīti punītā ||
हिंयँ हरषे कामारि तब, सङ्कर सहज सुजान ।
बहु विधि उमहिँ प्रसंसि पुनि, बोले कृपानिधान ॥
hiṃyam̐ haraṣe kāmāri taba, saṅkara sahaja sujāna |
bahu vidhi umahim̐ prasaṃsi puni, bole kṛpānidhāna ||
सुनु सुभ-कथा भवानि, रामचरितमानस बिमल ।
कहा भुसुंडि बखानि, सुना बिहग-नायक गरुड़ ॥
sunu subha-kathā bhavāni, rāmacaritamānasa bimala |
kahā bhusuṃḍi bakhāni, sunā bihaga-nāyaka garur̤a ||
सो सम्बाद उदार, जेहि बिधि भा आगें कहब ।
सुनहु राम अवतार, चरित परम सुन्दर अनघ ॥
so sambāda udāra, jehi bidhi bhā āgeṃ kahaba |
sunahu rāma avatāra, carita parama sundara anagha ||
हरि गुन नाम अपार, कथा रूप अगनित अमित ।
मैं निज मति अनुसार, कहउँ उमा सादर सुनहु । घ ॥
hari guna nāma apāra, kathā rūpa aganita amita |
maiṃ nija mati anusāra, kahaum̐ umā sādara sunahu | gha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0