5 verses · 111 of 361
Parvati asks further: explain the truth in which wise sages are absorbed, and describe devotion, knowledge, realisation and detachment with their divisions; tell the many other secrets of Rama, Lord of pure discernment, and do not hide even what I have not asked. The Vedas call you guru of the three worlds; what can other lowly beings know? Uma's natural, guileless questions please Shiva's heart. All of Rama's deeds rise in Hara's heart; his body thrills and his eyes fill. The form of Shri Raghunatha enters his heart, and he knows supreme bliss beyond measure. For two dandas he stays immersed in the joy of meditation, then draws his mind outward, and gladly Mahesha begins to tell the deeds of Raghupati.
पुनि प्रभु कहहु सो तत्व बखानी । जेहिं बिज्ञान मगन मुनि ग्यानी ॥
भगति ज्ञान बिज्ञान बिरागा । पुनि सब बरनहु सहित बिभागा ॥
puni prabhu kahahu so tatva bakhānī | jehiṃ bijñāna magana muni gyānī ||
bhagati jñāna bijñāna birāgā | puni saba baranahu sahita bibhāgā ||
औरउ राम-रहस्य अनेका । कहहु नाथ अति बिमल बिबेका ॥
जो प्रभु मैँ पूछा नहिँ होई । सोउ दयाल राखहु जनि गोई ॥
aurau rāma-rahasya anekā | kahahu nātha ati bimala bibekā ||
jo prabhu maim̐ pūchā nahim̐ hoī | sou dayāla rākhahu jani goī ||
तुम्ह त्रिभुवन गुरु बेद बखाना । आन जीव पाँवर का जाना ॥
प्रस्न उमा कै सहज सुहाई । छल बिहीन सुनि सिव मन भाई ॥
tumha tribhuvana guru beda bakhānā | āna jīva pām̐vara kā jānā ||
prasna umā kai sahaja suhāī | chala bihīna suni siva mana bhāī ||
हर हियँ राम-चरित सब आये । प्रेम पुलक लोचन जल छाये ॥
श्रीरघुनाथ-रूप उर आवा । परमानन्द अमित सुख पावा ॥
hara hiyam̐ rāma-carita saba āye | prema pulaka locana jala chāye ||
śrīraghunātha-rūpa ura āvā | paramānanda amita sukha pāvā ||
मगन ध्यानरस दंड जुग, पुनि मन बाहेर कीन्ह ।
रघुपति-चरित महेस तब, हरषित बरनइ लीन्ह ॥
magana dhyānarasa daṃḍa juga, puni mana bāhera kīnha |
raghupati-carita mahesa taba, haraṣita baranai līnha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
