मैँ जाना तुम्हार गुन सीला । कहउँ सुनहु अब रघुपति-लीला ॥
सुनु मुनि आजु समागम तोरें । कहि न जाइ जस सुख मन मोरें ॥
maim̐ jānā tumhāra guna sīlā | kahaum̐ sunahu aba raghupati-līlā ||
sunu muni āju samāgama toreṃ | kahi na jāi jasa sukha mana moreṃ ||
Bala Kanda
Chapter 105: Yajnavalkya begins Shri Rama's leela
5 verses · 105 of 361
What happens in this chapter
Yajnavalkya begins Shri Rama's leela
Yajnavalkya says: I know your character, so now hear Raghupati's leela; the joy of meeting you today cannot be told. Rama's deeds are boundless; a billion Sheshas could not tell them. Still, remembering the Lord of speech who holds the bow, I will tell them as I have heard. Sharada is a wooden puppet, and Rama, the indweller, holds the strings; on whomever he shows grace, he makes speech dance in the courtyard of that poet's heart. Bowing to gracious Raghunatha, the sage begins with Kailasa, loveliest of mountains, where Shiva and Uma always dwell, and where siddhas, ascetics, yogis, devas, Kinnaras and sages live, serving Shiva, the root of joy.
राम चरित अति अमित मुनीसा । कहि न सकहिँ सत कोटि अहीसा ॥
तदपि जथा स्रुत कहउँ बखानी । सुमिरि गिरापति प्रभु धनु-पानी ॥
rāma carita ati amita munīsā | kahi na sakahim̐ sata koṭi ahīsā ||
tadapi jathā sruta kahaum̐ bakhānī | sumiri girāpati prabhu dhanu-pānī ||
सारद दारु-नारि-सम स्वामी । राम-सूत्रधर अन्तरजामी ॥
जेहि पर कृपा करहिँ जन जानी । कबि-उर-अजिर नचावहिँ बानी ॥
sārada dāru-nāri-sama svāmī | rāma-sūtradhara antarajāmī ||
jehi para kṛpā karahim̐ jana jānī | kabi-ura-ajira nacāvahim̐ bānī ||
प्रनवउँ सोइ कृपाल रघुनाथा । बरनउँ बिसद तासु गुन गाथा ॥
परम रम्य गिरिबर कैलासू । सदा जहाँ सिव-उमा निवासू ॥
pranavaum̐ soi kṛpāla raghunāthā | baranaum̐ bisada tāsu guna gāthā ||
parama ramya giribara kailāsū | sadā jahām̐ siva-umā nivāsū ||
सिद्ध तपोधन जोगि जन, सुर किन्नर मुनि बृन्द ।
बसहिँ तहाँ सुकृती सकल, सेवहिँ सिव सुखकन्द ॥
siddha tapodhana jogi jana, sura kinnara muni bṛnda |
basahim̐ tahām̐ sukṛtī sakala, sevahim̐ siva sukhakanda ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0