पुत्रवती जुबती जग सोई । रघुपति भगत जासु सुत होई ॥
नतरु बाँझ भलि बादि बिआनी । राम बिमुख सुत तेँ हित जानी ॥
putravatī jubatī jaga soī | raghupati bhagata jāsu suta hoī ||
nataru bām̐jha bhali bādi biānī | rāma bimukha suta tem̐ hita jānī ||
Ayodhya Kanda
Chapter 75: Sumitra's counsel and blessing
6 verses · 75 of 326
What happens in this chapter
Sumitra's counsel and blessing
She alone is blessed with a son, Sumitra says, whose son is a devotee of Raghupati; better barren than to bear a son turned from Rama. Rama goes to the forest by your good fortune alone. The highest fruit of all merit is natural love for the feet of Rama and Sita. Never, even in dreams, fall under attachment, anger, envy, pride or delusion. Drop every fault and serve in mind, deed and word. Do whatever keeps Rama from hardship there. Then she blesses him: may his love for Sita and Raghuvira's feet stay pure and grow new each day. Bowing at her feet, Lakshmana leaves at once, like a deer that has broken a cruel snare.
तुम्हरेहिं भाग राम बन जाहीं । दूसर हेतु तात कछु नाहीँ ॥
सकल सुकृत कर बड़ फल एहू । राम-सीय-पद, सहज सनेहू ॥
tumharehiṃ bhāga rāma bana jāhīṃ | dūsara hetu tāta kachu nāhīm̐ ||
sakala sukṛta kara bar̤a phala ehū | rāma-sīya-pada, sahaja sanehū ||
राग रोष इरिषा मद मोहू । जनि सपनेहुँ इन्ह के बस होहू ॥
सकल प्रकार बिकार बिहाई । मन क्रम बचन करेहु सेवकाई ॥
rāga roṣa iriṣā mada mohū | jani sapanehum̐ inha ke basa hohū ||
sakala prakāra bikāra bihāī | mana krama bacana karehu sevakāī ||
तुम्ह कहँ बन सब भाँति सुपासू । सङ्ग पितु मातु राम-सिय जासू ॥
जेहिं न राम बन लहहिं कलेसू । सुत सोइ करेहु इहइ उपदेसू ॥
tumha kaham̐ bana saba bhām̐ti supāsū | saṅga pitu mātu rāma-siya jāsū ||
jehiṃ na rāma bana lahahiṃ kalesū | suta soi karehu ihai upadesū ||
उपदेस यह जेहिं तात तुम्हरे, राम-सिय सुख पावहीं ।
पितु मातु प्रिय परिवार पुर सुख, सुरति बन बिसरावहीं ॥
तुलसी सुतहि सिख देइ आयसु, दीन्ह पुनि आसिष दई ।
रति होउ, अबिरल अमल सिय-रघुबीर-पद नित नित नई ॥
upadesa yaha jehiṃ tāta tumhare, rāma-siya sukha pāvahīṃ |
pitu mātu priya parivāra pura sukha, surati bana bisarāvahīṃ ||
tulasī sutahi sikha dei āyasu, dīnha puni āsiṣa daī |
rati hou, abirala amala siya-raghubīra-pada nita nita naī ||
मातु चरन सिर नाइ, चले तुरत सङ्कित हृदयँ ।
बागुर विषम तोराइ, मनहुँ भाग मृग भाग-बस ॥
mātu carana sira nāi, cale turata saṅkita hṛdayam̐ |
bāgura viṣama torāi, manahum̐ bhāga mṛga bhāga-basa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0