अध्याय 75: सुमित्रा की सीख और आशीर्वाद

पुत्रवती जुबती जग सोई । रघुपति भगत जासु सुत होई ॥
नतरु बाँझ भलि बादि बिआनी । राम बिमुख सुत तेँ हित जानी ॥

putravatī jubatī jaga soī | raghupati bhagata jāsu suta hoī ||
nataru bām̐jha bhali bādi biānī | rāma bimukha suta tem̐ hita jānī ||

तुम्हरेहिं भाग राम बन जाहीं । दूसर हेतु तात कछु नाहीँ ॥
सकल सुकृत कर बड़ फल एहू । राम-सीय-पद, सहज सनेहू ॥

tumharehiṃ bhāga rāma bana jāhīṃ | dūsara hetu tāta kachu nāhīm̐ ||
sakala sukṛta kara bar̤a phala ehū | rāma-sīya-pada, sahaja sanehū ||

राग रोष इरिषा मद मोहू । जनि सपनेहुँ इन्ह के बस होहू ॥
सकल प्रकार बिकार बिहाई । मन क्रम बचन करेहु सेवकाई ॥

rāga roṣa iriṣā mada mohū | jani sapanehum̐ inha ke basa hohū ||
sakala prakāra bikāra bihāī | mana krama bacana karehu sevakāī ||

तुम्ह कहँ बन सब भाँति सुपासू । सङ्ग पितु मातु राम-सिय जासू ॥
जेहिं न राम बन लहहिं कलेसू । सुत सोइ करेहु इहइ उपदेसू ॥

tumha kaham̐ bana saba bhām̐ti supāsū | saṅga pitu mātu rāma-siya jāsū ||
jehiṃ na rāma bana lahahiṃ kalesū | suta soi karehu ihai upadesū ||