अस जियँ जानि सुनहु सिख भाई । करहु मातु-पितु-पद सेवकाई ॥
भवन भरत रिपुसूदन नाहीँ । राउ बृद्ध मम दुख मन माहीं ॥
asa jiyam̐ jāni sunahu sikha bhāī | karahu mātu-pitu-pada sevakāī ||
bhavana bharata ripusūdana nāhīm̐ | rāu bṛddha mama dukha mana māhīṃ ||
Ayodhya Kanda
Chapter 71: Shri Rama asks Lakshmana to stay
5 verses · 71 of 326
What happens in this chapter
Shri Rama asks Lakshmana to stay
Knowing this, brother, Shri Rama says, heed my counsel and serve our mother's and father's feet. Bharata and Shatrughna are not at home, the king is old, and my heart grieves for him. If I take you with me to the forest, Avadh will be orphaned in every way; guru, father, mothers, people and family will all bear an unbearable load of sorrow. Stay and comfort them all: a king whose beloved people suffer surely earns hell. Lakshmana is stricken; at those cool words he withers like a lotus touched by frost. Overcome with love he cannot answer, but clutches Rama's feet in anguish: Lord, I am your servant and you my master; if you abandon me, what can I do?
मैं बन जाउँ तुम्हहिं लेइ साथा । होइ सबहि बिधि अवध अनाथा ॥
गुरु पितु मातु प्रजा परिवारू । सब कहँ परइ दुसह दुख-भारू ॥
maiṃ bana jāum̐ tumhahiṃ lei sāthā | hoi sabahi bidhi avadha anāthā ||
guru pitu mātu prajā parivārū | saba kaham̐ parai dusaha dukha-bhārū ||
रहहु करहु सब कर परितोषू । नतरु तात होइहि बड़ दोषू ॥
जासु राज प्रिय प्रजा दुखारी । सो नृपु अवसि नरक अधिकारी ॥
rahahu karahu saba kara paritoṣū | nataru tāta hoihi bar̤a doṣū ||
jāsu rāja priya prajā dukhārī | so nṛpu avasi naraka adhikārī ||
रहहु तात अस नीति बिचारी । सुनत लखन भये ब्याकुल भारी ॥
सिअरें बचन सूखि गये कैसे । परसत तुहिन तामरसु जैसें ॥
rahahu tāta asa nīti bicārī | sunata lakhana bhaye byākula bhārī ||
siareṃ bacana sūkhi gaye kaise | parasata tuhina tāmarasu jaiseṃ ||
उतर न आवत प्रेम-बस, गहे चरन अकुलाइ ।
नाथ दास मैं स्वामि तुम्ह, तजहु त कहाँ बसाइ ॥
utara na āvata prema-basa, gahe carana akulāi |
nātha dāsa maiṃ svāmi tumha, tajahu ta kahām̐ basāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0