समाचार जब लछिमन पाये । व्याकुल बिलख बदन उठि धाए ॥
कम्प-पुलक-तन नयन-सनीरा । गहे चरन अति प्रेम अधीरा ॥
samācāra jaba lachimana pāye | vyākula bilakha badana uṭhi dhāe ||
kampa-pulaka-tana nayana-sanīrā | gahe carana ati prema adhīrā ||
Ayodhya Kanda
Chapter 70: Lakshmana runs to Shri Rama
5 verses · 70 of 326
What happens in this chapter
Lakshmana runs to Shri Rama
When Lakshmana hears the news, he rises and runs, distraught and pale. Trembling, thrilled and tearful, he clasps Shri Rama's feet, restless with love. He stands gazing and cannot speak, like a fish lifted out of water. All our merit has run out, he thinks. What will Raghunatha say to me, keep me at home or take me along? Rama sees his brother standing with joined palms, having snapped every tie to body and home like a straw. Then Rama says: Brother, do not lose heart through love; consider the outcome and take courage. Those who lay to heart the counsel of mother, father, guru and master and follow it naturally gain the fruit of birth; otherwise their life in the world is wasted.
कहि न सकत कछु चितवत ठाढ़े । मीन दीन जनु जल तेँ काढ़े ॥
सोच हृदयँ बिधि का होनिहारा । सब सुख सुकृत सिरान हमारा ॥
kahi na sakata kachu citavata ṭhār̤he | mīna dīna janu jala tem̐ kār̤he ||
soca hṛdayam̐ bidhi kā honihārā | saba sukha sukṛta sirāna hamārā ||
मो कह काह कहब रघुनाथा । रखिहहिँ भवन कि लेहहिं साथा ॥
राम बिलोकि बन्धु कर जोरें । देह गेह सब सन तृनु तोरें ॥
mo kaha kāha kahaba raghunāthā | rakhihahim̐ bhavana ki lehahiṃ sāthā ||
rāma biloki bandhu kara joreṃ | deha geha saba sana tṛnu toreṃ ||
बोले बचन राम नय-नागर । सील सनेह सरल सुख-सागर ॥
तात प्रेम-बस जनि कदराहू । समुझि हृदयँ परिनाम उछाहू ॥
bole bacana rāma naya-nāgara | sīla saneha sarala sukha-sāgara ||
tāta prema-basa jani kadarāhū | samujhi hṛdayam̐ parināma uchāhū ||
मातु-पिता-गुरु-स्वामि सिख, सिर धरि करहिँ सुभायँ ।
लहेउ लाभ तिन्ह जनम कर, नतरु जनम जग जायँ ॥
mātu-pitā-guru-svāmi sikha, sira dhari karahim̐ subhāyam̐ |
laheu lābha tinha janama kara, nataru janama jaga jāyam̐ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0