अध्याय 70: लक्ष्मण श्रीराम के पास दौड़े

समाचार जब लछिमन पाये । व्याकुल बिलख बदन उठि धाए ॥
कम्प-पुलक-तन नयन-सनीरा । गहे चरन अति प्रेम अधीरा ॥

samācāra jaba lachimana pāye | vyākula bilakha badana uṭhi dhāe ||
kampa-pulaka-tana nayana-sanīrā | gahe carana ati prema adhīrā ||

कहि न सकत कछु चितवत ठाढ़े । मीन दीन जनु जल तेँ काढ़े ॥
सोच हृदयँ बिधि का होनिहारा । सब सुख सुकृत सिरान हमारा ॥

kahi na sakata kachu citavata ṭhār̤he | mīna dīna janu jala tem̐ kār̤he ||
soca hṛdayam̐ bidhi kā honihārā | saba sukha sukṛta sirāna hamārā ||

मो कह काह कहब रघुनाथा । रखिहहिँ भवन कि लेहहिं साथा ॥
राम बिलोकि बन्धु कर जोरें । देह गेह सब सन तृनु तोरें ॥

mo kaha kāha kahaba raghunāthā | rakhihahim̐ bhavana ki lehahiṃ sāthā ||
rāma biloki bandhu kara joreṃ | deha geha saba sana tṛnu toreṃ ||

बोले बचन राम नय-नागर । सील सनेह सरल सुख-सागर ॥
तात प्रेम-बस जनि कदराहू । समुझि हृदयँ परिनाम उछाहू ॥

bole bacana rāma naya-nāgara | sīla saneha sarala sukha-sāgara ||
tāta prema-basa jani kadarāhū | samujhi hṛdayam̐ parināma uchāhū ||