अजस होउ जग सुजस नसाऊ । नरक परउँ बरु सुरपुर जाऊ ॥
सब दुख दुसह सहावहु मोहीं । लोचन ओट राम जनि होंही ॥
ajasa hou jaga sujasa nasāū | naraka paraum̐ baru surapura jāū ||
saba dukha dusaha sahāvahu mohīṃ | locana oṭa rāma jani hoṃhī ||
Ayodhya Kanda
Chapter 45: The king's anguish, Shri Rama asks leave
5 verses · 45 of 326
What happens in this chapter
The king's anguish, Shri Rama asks leave
Dasharatha thinks: let infamy fall on me, let me go to hell instead of heaven, make me bear every unbearable sorrow, only let Rama not pass out of my sight. He says none of it aloud, and his mind trembles like a pipal leaf. Shri Rama sees his father bound by love and expects his mother to speak again. Weighing time and occasion, he speaks humbly: Father, forgive my boldness as a child's. You have suffered over a very small matter, and no one told me first. I asked mother, and hearing it my whole body grew calm. This is an auspicious hour; by the strength of your love, give up grief and grant me leave with a glad heart. Saying this, the Lord thrills with joy.
अस मन गुनइ राउ नहिँ बोली । पीपर पात सरिस मन डोला ॥
रघुपति पितहि प्रेम-बस जानी । पुनि कछु कहिहि मातु अनुमानी ॥
asa mana gunai rāu nahim̐ bolī | pīpara pāta sarisa mana ḍolā ||
raghupati pitahi prema-basa jānī | puni kachu kahihi mātu anumānī ||
देस काल अवसर अनुसारी । बोले बचन बिनीत बिचारी ॥
तात कहउँ कछु करउँ ढिठाई । अनुचित छमब जानि लरिकाई ॥
desa kāla avasara anusārī | bole bacana binīta bicārī ||
tāta kahaum̐ kachu karaum̐ ḍhiṭhāī | anucita chamaba jāni larikāī ||
अति लघु बात लागि दुख पावा । काहु न मोहि कहि प्रथम जनावा ॥
देखि गोसाइँहि पूँछिउँ माता । सुनि प्रसङ्ग भये सीतल गाता ॥
ati laghu bāta lāgi dukha pāvā | kāhu na mohi kahi prathama janāvā ||
dekhi gosāim̐hi pūm̐chium̐ mātā | suni prasaṅga bhaye sītala gātā ||
मङ्गल समय सनेह-बल, सोच परिहरिअ तात ।
आयसु देइअ हरषि हियँ, कहि पुलके प्रभु गात ॥
maṅgala samaya saneha-bala, soca pariharia tāta |
āyasu deia haraṣi hiyam̐, kahi pulake prabhu gāta ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0