गरइ गलानि कुटिल कैकेई । काहि कहइ केहि दूषन देई ॥
अस मन आनि मुदित नर-नारी । भयउ बहोरि रहब दिन चारी ॥
garai galāni kuṭila kaikeī | kāhi kahai kehi dūṣana deī ||
asa mana āni mudita nara-nārī | bhayau bahori rahaba dina cārī ||
Ayodhya Kanda
Chapter 273: Ayodhya prays for Rama's return
5 verses · 273 of 326
What happens in this chapter
Ayodhya prays for Rama's return
Kaikeyi burns with shame and has no one to blame. The townsfolk, hearing that the camp will stay a few more days, are glad. Next morning everyone bathes and worships Ganesha, Gauri, Shiva and the Sun, then bows at the feet of Vishnu, Lakshmi's lord, and begs with folded hands and spread garments: let Shri Rama be king and Janaki queen, let Ayodhya become the limit of joy, let him return with all his people and make Bharata yuvaraja. The doha gives the whole prayer of the people: with the guru, the assembly and the brothers, may Rama's rule come to the city, and may we die in Ayodhya while Rama is still its king.
एहि प्रकार गत बासर सोऊ । प्रात नहान लाग सब कोऊ ॥
करि मज्जन पूजहिँ नर-नारी । गनप गौरि तिपुरारि तमारी ॥
ehi prakāra gata bāsara soū | prāta nahāna lāga saba koū ||
kari majjana pūjahim̐ nara-nārī | ganapa gauri tipurāri tamārī ||
रमा-रमन पद बन्दि बहोरी । बिनवहिँ अंजुलि अंचल जोरी ॥
राजा राम जानकी रानी । आनन्द-अवधि अवध रजधानी ॥
ramā-ramana pada bandi bahorī | binavahim̐ aṃjuli aṃcala jorī ||
rājā rāma jānakī rānī | ānanda-avadhi avadha rajadhānī ||
सुबस बसउ फिरि सहित समाजा । भरतहि राम करहु जुबराजा ॥
एहि सुख-सुधाँ सींची सब काहू । देव देहु जग-जीवन लाहू ॥
subasa basau phiri sahita samājā | bharatahi rāma karahu jubarājā ||
ehi sukha-sudhām̐ sīṃcī saba kāhū | deva dehu jaga-jīvana lāhū ||
गुरु समाज भाइन्ह सहित, राम राज पुर होउ ।
अछत राम राजा अवध, मरिअ माँग सब कोउ ॥
guru samāja bhāinha sahita, rāma rāja pura hou |
achata rāma rājā avadha, maria mām̐ga saba kou ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0