कहउँ सुभाउ सत्य सिव साखी । भरत भूमि रह राउरि राखी ॥
तात कुतरक करहु जनि जाये । बैर पेम नहिँ दुरइ दुराये ॥
kahaum̐ subhāu satya siva sākhī | bharata bhūmi raha rāuri rākhī ||
tāta kutaraka karahu jani jāye | baira pema nahim̐ durai durāye ||
Ayodhya Kanda
Chapter 264: Rama tells Bharata to speak his wish
5 verses · 264 of 326
What happens in this chapter
Rama tells Bharata to speak his wish
Rama says: I speak my true feeling, Shiva is witness. Bharata, the earth stands because you uphold it. Do not doubt in vain; enmity and love cannot be hidden. Birds and beasts go near sages but flee on seeing a hunter; even animals know friend from foe, and a human body is a store of virtue and knowledge. I know you well, brother. What can I do? My heart is in a dilemma. The king kept his word by giving me up and left his body to keep his vow of love. To undo his word troubles me greatly; your hesitation troubles me more. And the guru has commanded me. Be glad, set aside reserve, and say it; I will do it today. Hearing truthful Rama, the company rejoices.
मुनि गन निकट बिहग मृग जाहीँ । बाधक बधिक बिलोकि पराहीं ॥
हित अनहित पसु पच्छिउ जाना । मानुष तनु गुन ज्ञान निधाना ॥
muni gana nikaṭa bihaga mṛga jāhīm̐ | bādhaka badhika biloki parāhīṃ ||
hita anahita pasu pacchiu jānā | mānuṣa tanu guna jñāna nidhānā ||
तात तुम्हहिँ मैं जानउँ नीकें । करउँ काह असमंजस जी के ॥
राखेउ रायँ सत्य मोहि त्यागी । तनु परिहरेउ पेम-पन-लागी ॥
tāta tumhahim̐ maiṃ jānaum̐ nīkeṃ | karaum̐ kāha asamaṃjasa jī ke ||
rākheu rāyam̐ satya mohi tyāgī | tanu parihareu pema-pana-lāgī ||
तासु बचन मेटत बड़ सोचू । तेहि तेँ अधिक तुम्हार सँकोचू ॥
ता पर गुरु मोहि आयसु दीन्हा । अवसि जो कहहु चहउँ सोइ कीन्हा ॥
tāsu bacana meṭata bar̤a socū | tehi tem̐ adhika tumhāra sam̐kocū ||
tā para guru mohi āyasu dīnhā | avasi jo kahahu cahaum̐ soi kīnhā ||
मन प्रसन्न कर सकुच तजि, कहहु करउँ सोइ आज ।
सत्यसन्ध रघुबर बचन, सुनि भा सुखी समाज ॥
mana prasanna kara sakuca taji, kahahu karaum̐ soi āja |
satyasandha raghubara bacana, suni bhā sukhī samāja ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0