सखा बचन सुनि बिटप निहारी । उमगे भरत बिलोचन बारी ॥
करत प्रनाम चले दोउ भाई । कहत प्रीति सारद सकुचाई ॥
sakhā bacana suni biṭapa nihārī | umage bharata bilocana bārī ||
karata pranāma cale dou bhāī | kahata prīti sārada sakucāī ||
Ayodhya Kanda
Chapter 238: Bharata finds Rama's footprints in the dust
5 verses · 238 of 326
What happens in this chapter
Bharata finds Rama's footprints in the dust
Hearing his friend and seeing the tree, Bharata's eyes overflow. The two brothers walk on bowing. They rejoice at the marks of Rama's feet, like a pauper who finds the philosopher's stone. They put that dust on head, heart and eyes. Seeing Bharata's state, even birds, beasts and lifeless things are lost in love. Guha, overcome, forgets the way, and the devas show him the path and rain flowers. Siddhas praise it. Had Bharata's feeling not come to earth, who would make the unmoving move and the moving still? Rama drew it out, as nectar from the ocean, churned by the Mandara of separation, for the good of saints.
हरषहिँ निरखि राम-पद-अङ्का । मानहुँ पारस पायउ रङ्का ॥
रज सिर धरि हियँ नयनन्हि लावहिं । रघुबर मिलन सरिस सुख पावहिँ ॥
haraṣahim̐ nirakhi rāma-pada-aṅkā | mānahum̐ pārasa pāyau raṅkā ||
raja sira dhari hiyam̐ nayananhi lāvahiṃ | raghubara milana sarisa sukha pāvahim̐ ||
देखि भरत-गति अकथ अतीवा । प्रेम-मगन मृग खग-मृग जड़ जीवा ॥
सखहि सनेह-बिबस मग भूला । कहि सुपंथ सुर पहिँ फूला ॥
dekhi bharata-gati akatha atīvā | prema-magana mṛga khaga-mṛga jar̤a jīvā ||
sakhahi saneha-bibasa maga bhūlā | kahi supaṃtha sura pahim̐ phūlā ||
निरखि सिद्ध साधक अनुरागे । सहज सनेह सराहन लागे ॥
होत न भूतल भाउ भरत को । अचर सचर चर अचर करत को ॥
nirakhi siddha sādhaka anurāge | sahaja saneha sarāhana lāge ||
hota na bhūtala bhāu bharata ko | acara sacara cara acara karata ko ||
प्रेम-अमिय मन्दर-बिरह, भरत-पयोधि गंभीर ।
मथि प्रगटेउ सुर-साधु हित, कृपासिन्धु रघुबीर ॥
prema-amiya mandara-biraha, bharata-payodhi gaṃbhīra |
mathi pragaṭeu sura-sādhu hita, kṛpāsindhu raghubīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0