5 verses · 233 of 326
The devas add: had Bharata not been born, who would have held up the burden of dharma? His virtues are beyond poets; who knows them but you, Raghunatha? Rama, Lakshmana and Sita are glad past telling. Meanwhile Bharata and his company bathe in the holy Mandakini. Leaving everyone by the river, with leave from the mothers, guru and ministers, he goes toward Sita and Rama with Guha and Shatrughna. Remembering his mother's deed, he shrinks and doubts. What if Rama, Lakshmana and Sita hear my name and leave this place for another? Thinking me part of my mother's plot, whatever they do is too little. Or they may forgive my sin and receive me, looking to their own nature.
जौं न होत जग जनम भरत को । सकल धरम-धुर-धरनि धरत को ॥
कबि-कुल-अगम भरत-गुन गाथा । को जानइ तुम्ह बिनु रघुनाथा ॥
jauṃ na hota jaga janama bharata ko | sakala dharama-dhura-dharani dharata ko ||
kabi-kula-agama bharata-guna gāthā | ko jānai tumha binu raghunāthā ||
लखन-राम-सियँ सुनि सुर-बानी । अति सुख लहेउ न जाइ बखानी ॥
इहाँ भरत सब सहित सहाये । मंदाकिनीं पुनीत नहाये ॥
lakhana-rāma-siyam̐ suni sura-bānī | ati sukha laheu na jāi bakhānī ||
ihām̐ bharata saba sahita sahāye | maṃdākinīṃ punīta nahāye ||
सरित समीप राखि सब लोगा । माँगि मातु गुरु सचिव नियोगा ॥
चले भरत जहँ सिय-रघुराई । साथ निषादनाथ लघु भाई ॥
sarita samīpa rākhi saba logā | mām̐gi mātu guru saciva niyogā ||
cale bharata jaham̐ siya-raghurāī | sātha niṣādanātha laghu bhāī ||
समुझि मातु करतब सकुचाहीं । करत कुतरक कोटि मन माहीं ॥
राम-लखन-सिय सुनि मम नाऊँ । उठि जनि अनत जाहिँ तजि ठाऊँ ॥
samujhi mātu karataba sakucāhīṃ | karata kutaraka koṭi mana māhīṃ ||
rāma-lakhana-siya suni mama nāūm̐ | uṭhi jani anata jāhim̐ taji ṭhāūm̐ ||
मातु मते महँ मानि मोहि, जो कछु करहिँ सो थोर ।
अघ अवगुन छमि आदरहिं, समुझि आपनी ओर ॥
mātu mate maham̐ māni mohi, jo kachu karahim̐ so thora |
agha avaguna chami ādarahiṃ, samujhi āpanī ora ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
