रिधि-सिधि सिर धरि मुनिबर बानी । बड़भागिनि आपुहि अनुमानी ॥
कहहिँ परसपर सिधि समुदाई । अतुलित अतिथि राम लघु भाई ॥
ridhi-sidhi sira dhari munibara bānī | bar̤abhāgini āpuhi anumānī ||
kahahim̐ parasapara sidhi samudāī | atulita atithi rāma laghu bhāī ||
Ayodhya Kanda
Chapter 214: The Siddhis build a heavenly camp
5 verses · 214 of 326
What happens in this chapter
The Siddhis build a heavenly camp
The Riddhis and Siddhis take the sage's word on their heads and count themselves most fortunate. Rama's brother is a guest beyond compare, they say; let us do today what makes the whole royal company happy. They build many lovely houses that put the gods' sky-cars to shame, and fill them with enjoyments and riches that the immortals would covet. Maids and servants stand ready with every need, attending to each wish unspoken. In a moment the Siddhis furnish comforts not found in heaven even in a dream. First every guest is given a fine dwelling to his liking. By his tapas the great sage has made a splendour that amazes even Brahma.
मुनि-पद बन्दि करिय सोइ आजू । होइ सुखी सब राज-समाजू ॥
अस कहि रचेउ रुचिर गृह नाना । जो बिलोकि बिलखाहिँ विमाना ॥
muni-pada bandi kariya soi ājū | hoi sukhī saba rāja-samājū ||
asa kahi raceu rucira gṛha nānā | jo biloki bilakhāhim̐ vimānā ||
भोग-बिभूति भूरि भरि राखे । देखत जिन्हहिॅ अमर अभिलाखे ॥
दासीं दास साज सब लीन्हें । जोगवत रहहिँ मनहिॅ मन दीन्हें ॥
bhoga-bibhūti bhūri bhari rākhe | dekhata jinhahiॅ amara abhilākhe ||
dāsīṃ dāsa sāja saba līnheṃ | jogavata rahahim̐ manahiॅ mana dīnheṃ ||
सब समाज सजि सिधि पल माहीॅ । जे सुख सुरपुर सपनेहुँ नाहीँ ॥
प्रथमहिँ बास दिये सब केही । सुन्दर सुखद जथा रुचि जेही ॥
saba samāja saji sidhi pala māhīॅ | je sukha surapura sapanehum̐ nāhīm̐ ||
prathamahim̐ bāsa diye saba kehī | sundara sukhada jathā ruci jehī ||
बहुरि सपरिजन भरत कहँ, रिषि अस आयसु दीन्ह ।
विधि-बिसमय-दायक बिभव, मुनिबर तप बल कीन्ह ॥
bahuri saparijana bharata kaham̐, riṣi asa āyasu dīnha |
vidhi-bisamaya-dāyaka bibhava, munibara tapa bala kīnha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0