अध्याय 176: कौसल्या का आग्रह, भरत का व्याकुल हृदय

कौसल्या धरि धीरज कहई । पूत पथ्य गुरु आयसु अहई ॥
सो आदरिअ करिअ हित मानी । तजिअ बिषाद काल-गति जानी ॥

kausalyā dhari dhīraja kahaī | pūta pathya guru āyasu ahaī ||
so ādaria karia hita mānī | tajia biṣāda kāla-gati jānī ||

बन-रघुपति सुरपुर-नरनाहू । तुम्ह एहि भाँति तात कदराहू ॥
परिजन प्रजा सचिव सब अम्बा । तुम्हहीं सुत सब कहँ अवलम्बा ॥

bana-raghupati surapura-naranāhū | tumha ehi bhām̐ti tāta kadarāhū ||
parijana prajā saciva saba ambā | tumhahīṃ suta saba kaham̐ avalambā ||

लखि विधि बाम काल कठिनाई । धीरज धरहु मातु बलि जाई ॥
सिर धरि गुरु आयसु अनुसरहू । प्रजा पालि पुरजन दुख हरहू ॥

lakhi vidhi bāma kāla kaṭhināī | dhīraja dharahu mātu bali jāī ||
sira dhari guru āyasu anusarahū | prajā pāli purajana dukha harahū ||

गुरु के बचन सचिव अभिनन्दन । सुने भरत हिय हित जनु चन्दन ॥
सुनी बहोरि मातु मृदु बानी । सील सनेह सरल रस सानी ॥

guru ke bacana saciva abhinandana | sune bharata hiya hita janu candana ||
sunī bahori mātu mṛdu bānī | sīla saneha sarala rasa sānī ||