केवट कीन्ह बहुत सेवकाई । सो जामिनि सिंगरौर गवाँई ॥
होत प्रात बट छीरु मगावा । जटा-मुकुट निज सीस बनावा ॥
kevaṭa kīnha bahuta sevakāī | so jāmini siṃgaraura gavām̐ī ||
hota prāta baṭa chīru magāvā | jaṭā-mukuṭa nija sīsa banāvā ||
Ayodhya Kanda
Chapter 151: Shri Rama's message to his father
6 verses · 151 of 326
What happens in this chapter
Shri Rama's message to his father
Sumantra goes on: the boatman served them and they spent the night at Shringaverapura. At dawn Shri Rama had banyan milk brought and made his hair into matted locks. His friend fetched the boat; he seated Sita and boarded, and Lakshmana, armed, followed at his word. Seeing me distraught, he said steadily: give my father my pranams, clasp his feet again and again, and beg him not to worry; by his grace and merit our road will be safe. The chhand: by his favour I will be happy in the forest and, having kept his command, return to see his feet; console the mothers and keep the lord of Kosala well. The soratha: ask the guru to counsel the king so he does not grieve for me.
राम सखाँ तब नाव मगाई । प्रिया चढ़ाई चढ़े रघुराई ॥
लखन बान-धनु धरे बनाई । आपु चढ़े प्रभु आयसु पाई ॥
rāma sakhām̐ taba nāva magāī | priyā car̤hāī car̤he raghurāī ||
lakhana bāna-dhanu dhare banāī | āpu car̤he prabhu āyasu pāī ||
बिकल बिलोकि मोहि रघुबीरा । बोले मधुर बचन धरि धीरा ॥
तात प्रनाम तात सन कहेहु । बार बार पद-पङ्कज गहेहू ॥
bikala biloki mohi raghubīrā | bole madhura bacana dhari dhīrā ||
tāta pranāma tāta sana kahehu | bāra bāra pada-paṅkaja gahehū ||
करवि पायँ परि बिनय बहोरी । तात करिय जनि चिन्ता मोरी ॥
बन-मग मङ्गल-कुसल हमारें । कृपा-अनुग्रह पुन्य तुम्हारें ॥
karavi pāyam̐ pari binaya bahorī | tāta kariya jani cintā morī ||
bana-maga maṅgala-kusala hamāreṃ | kṛpā-anugraha punya tumhāreṃ ||
तुम्हरे अनुग्रह तात कानन, जात सब सुखु पाइहौं ।
प्रतिपालि आयसु कुसल देखन, पाय पुनि फिरि आइहौं ॥
जननीं सकल परितोषि परि परि, पायँ करि बिनती घनी ।
तुलसी करेहु सोइ जतन जेहिं कुसली रहहिँ कोसल-धनी ॥
tumhare anugraha tāta kānana, jāta saba sukhu pāihauṃ |
pratipāli āyasu kusala dekhana, pāya puni phiri āihauṃ ||
jananīṃ sakala paritoṣi pari pari, pāyam̐ kari binatī ghanī |
tulasī karehu soi jatana jehiṃ kusalī rahahim̐ kosala-dhanī ||
गुरु सन कहब सँदेस, बार बार पद पदुम गहि ।
करब सोइ उपदेस, जेहिं न सोच मोहि अवधपति ॥
guru sana kahaba sam̐desa, bāra bāra pada paduma gahi |
karaba soi upadesa, jehiṃ na soca mohi avadhapati ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0