खल बधि तुरत फिरे रघुबीरा । सोह चाप कर कटि तूनीरा ॥
आरत गिरा-सुनी जब सीता । कह लछिमन सन परम सभीता ॥
khala badhi turata phire raghubīrā | soha cāpa kara kaṭi tūnīrā ||
ārata girā-sunī jaba sītā | kaha lachimana sana parama sabhītā ||
Aranya Kanda
Chapter 28: Ravana as an ascetic carries Sita off
9 verses · 28 of 46
What happens in this chapter
Ravana as an ascetic carries Sita off
Hearing the cry, Sita, terrified, tells Lakshmana to go quickly; his brother is in danger. Lakshmana smiles: Mother, he by the play of whose brow worlds are made and dissolved, can he fall into danger even in a dream? Then Sita speaks cutting words, and by Hari's will Lakshmana's mind wavers. Entrusting her to the devas of the forest, he goes. Ravana comes in a yati's dress. Kakabhushundi tells Garuda: one who steps on the evil path keeps no trace of radiance, wit or strength. Sita says he talks like a villain. He reveals himself and his name, and she, holding firm, says: the Lord has come, stay there, wretch; a hare wants the lioness. Angry, he seats her in his chariot and flies off.
जाहु बेगि सङ्कट अति भ्राता । लछिमन बिहसि कहा सुनु माता ॥
भृकुटि बिलास सृष्टि लय होई । सपनेहुँ सङ्कट परइ कि सोई ॥
jāhu begi saṅkaṭa ati bhrātā | lachimana bihasi kahā sunu mātā ||
bhṛkuṭi bilāsa sṛṣṭi laya hoī | sapanehum̐ saṅkaṭa parai ki soī ||
मरम बचन जब सीता बाली । हरि प्रेरित लछिमन मति डोला ॥
बन-दिसि-देव सौंपि सब काहू । चले जहाँ रावन-ससि-राहू ॥
marama bacana jaba sītā bālī | hari prerita lachimana mati ḍolā ||
bana-disi-deva sauṃpi saba kāhū | cale jahām̐ rāvana-sasi-rāhū ||
सून बीच दसकन्धर देखा । आवा निकट जती कें बेषा ॥
जा के डर सुर असुर डेराहीं । निसि न नींद दिन अन्न न खाहीं ॥
sūna bīca dasakandhara dekhā | āvā nikaṭa jatī keṃ beṣā ||
jā ke ḍara sura asura ḍerāhīṃ | nisi na nīṃda dina anna na khāhīṃ ||
सो दससीस स्वान की नाई । इत उत चितइ चला भड़िहाई ॥
इमि कुपन्थ पग देत खगेसा । रह न तेज बुधि बल लेसा ॥
so dasasīsa svāna kī nāī | ita uta citai calā bhar̤ihāī ||
imi kupantha paga deta khagesā | raha na teja budhi bala lesā ||
नाना विधि कहि कथा सुहाई । राजनीति भय प्रीति देखाई ॥
कह सीता सुनु जती गोसाँई । बोलेहु बचन दुष्ट की नाँई ॥
nānā vidhi kahi kathā suhāī | rājanīti bhaya prīti dekhāī ||
kaha sītā sunu jatī gosām̐ī | bolehu bacana duṣṭa kī nām̐ī ||
तब रावन निज-रूप देखावा । भई सभय जब नाम सुनावा ॥
कह सीता धरि धीरज गाढ़ा । आइ गयउ प्रभु रहु खल ठाढ़ा ॥
taba rāvana nija-rūpa dekhāvā | bhaī sabhaya jaba nāma sunāvā ||
kaha sītā dhari dhīraja gār̤hā | āi gayau prabhu rahu khala ṭhār̤hā ||
जिमि हरिबधुहि छुद्र सस चाहा । भएसि कालबस निसिचर-नाहा ॥
सुनत बचन दससीस रिसाना । मन महँ चरन बन्दि सुख माना ॥
jimi haribadhuhi chudra sasa cāhā | bhaesi kālabasa nisicara-nāhā ||
sunata bacana dasasīsa risānā | mana maham̐ carana bandi sukha mānā ||
क्रोधवन्त तब रावन, लीन्हिसि रथ बैठाइ ।
चला गगन-पथ आतुर, भयं रथ हाँकि न जाइ ॥
krodhavanta taba rāvana, līnhisi ratha baiṭhāi |
calā gagana-patha ātura, bhayaṃ ratha hām̐ki na jāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0