11 verses · 17 of 46
Some days pass in talk of detachment and right conduct. Then Shurpanakha, Ravana's sister, cruel as a serpent, comes to Panchavati and is shaken by the two princes. Taking a lovely form she tells Rama, smiling, that there is no man like him and no woman like her, and she has stayed unmarried till now. Glancing at Sita, Rama says his younger brother is unmarried. Lakshmana, knowing her for the enemy's sister, says he is only a servant. Back and forth she goes, until Lakshmana says only one who throws away all shame would wed her. Enraged, she shows her terrible form. Seeing Sita afraid, Rama signals, and Lakshmana swiftly cuts off her nose and ears, a challenge sent to Ravana by her hand.
भगति-जोग सुनि अति सुख पावा । लछिमन प्रभु चरनन्हि सिरु नावा ॥
एहि बिधि गये कछुक दिन बीती । कहत बिराग ज्ञान गुन नीती ॥
bhagati-joga suni ati sukha pāvā | lachimana prabhu carananhi siru nāvā ||
ehi bidhi gaye kachuka dina bītī | kahata birāga jñāna guna nītī ||
सूपनखा रावन के बहिनी । दुष्ट हृदय दारुन जसि अहिनी ॥
पंचवटी सो गइ एक बारा । देखि बिकल भइ जुगल कुमारा ॥
sūpanakhā rāvana ke bahinī | duṣṭa hṛdaya dāruna jasi ahinī ||
paṃcavaṭī so gai eka bārā | dekhi bikala bhai jugala kumārā ||
भ्राता पिता पुत्र उरगारी । पुरुष मनोहर निरखत नारी ॥
होइ बिकल सक मनहिं न रोकी । जिमि रवि-मनि द्रव रबिहि बिलोकी ॥
bhrātā pitā putra uragārī | puruṣa manohara nirakhata nārī ||
hoi bikala saka manahiṃ na rokī | jimi ravi-mani drava rabihi bilokī ||
रुचिर रूप धरि प्रभु पहिँ जाई । बोली बचन बहुत मुसुकाई ॥
तुम्ह सम पुरुष न मो सम नारी । यह संजोग विधि रचा बिचारी ॥
rucira rūpa dhari prabhu pahim̐ jāī | bolī bacana bahuta musukāī ||
tumha sama puruṣa na mo sama nārī | yaha saṃjoga vidhi racā bicārī ||
मम अनुरूप पुरुष जग माहीँ । देखेउँ खोजि लोक तिहुँ नाहीँ ॥
ता तेँ अब लगि रहिउँ कुमारी । मन माना कछु तुम्हहिँ निहारी ॥
mama anurūpa puruṣa jaga māhīm̐ | dekheum̐ khoji loka tihum̐ nāhīm̐ ||
tā tem̐ aba lagi rahium̐ kumārī | mana mānā kachu tumhahim̐ nihārī ||
सीतहि चितइ कही प्रभु बाता । अहइ कुमार मोर लघु भ्राता ॥
गइ लछिमन रिपु भगिनी जानी । प्रभु बिलोकि बोले मृदु बानी ॥
sītahi citai kahī prabhu bātā | ahai kumāra mora laghu bhrātā ||
gai lachimana ripu bhaginī jānī | prabhu biloki bole mṛdu bānī ||
सुन्दरि सुनु मैं उन्ह कर दासा । पराधीन नहिँ तोर सुपासा ॥
प्रभु समरथ कोसलपुर राजा । जो कछु करहिँ उनहि सब छाजा ॥
sundari sunu maiṃ unha kara dāsā | parādhīna nahim̐ tora supāsā ||
prabhu samaratha kosalapura rājā | jo kachu karahim̐ unahi saba chājā ||
सेवक सुख चह मान भिखारी । व्यसनी धन सुभ-गति बिभिचारी ॥
लोभी जस चह चार गुमानी । नभ दुहि दूध चहत ये प्रानी ॥
sevaka sukha caha māna bhikhārī | vyasanī dhana subha-gati bibhicārī ||
lobhī jasa caha cāra gumānī | nabha duhi dūdha cahata ye prānī ||
पुनि फिरि राम निकट सो आई । प्रभु लछिमन पहिं बहुरि पठाई ॥
लछिमन कहा तोहि सो बरई । जो तृन तोरि लाज परिहरई ॥
puni phiri rāma nikaṭa so āī | prabhu lachimana pahiṃ bahuri paṭhāī ||
lachimana kahā tohi so baraī | jo tṛna tori lāja pariharaī ||
तब खिसिआनि राम पहिँ गई । रूप भयङ्कर प्रगटत भई ॥
सीतहि सभय देखि रघुराई । कहा अनुज सन सयन बुझाई ॥
taba khisiāni rāma pahim̐ gaī | rūpa bhayaṅkara pragaṭata bhaī ||
sītahi sabhaya dekhi raghurāī | kahā anuja sana sayana bujhāī ||
लछिमन अति लाघवँ सो, नाक कान बिनु कीन्हि ।
ता के कर रावन कहँ, मनहुँ चुनौती दीन्हि ॥
lachimana ati lāghavam̐ so, nāka kāna binu kīnhi |
tā ke kara rāvana kaham̐, manahum̐ cunautī dīnhi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
