7 verses · 16 of 46
Dharma brings detachment, yoga brings knowledge, and knowledge gives moksha, says Rama. But what melts me quickly is bhakti. It stands on its own; knowledge depends on it, and it comes when saints are kind. Its means are easy: love for the feet of Brahmins and steady practice of one's own dharma as the Veda lays down. From that comes distaste for sense objects and love for my dharma. Then the nine kinds of bhakti beginning with hearing grow firm, the mind delights in my lilas, loves the feet of saints, keeps a firm rule of worship, and sees me as guru, father, mother. One whose body thrills and eyes run as he sings my virtues, in his lotus heart I rest always.
धर्म तेँ बिरति जोग तेँ ज्ञाना । ज्ञान मोच्छ-प्रद बेद बखाना ॥
जा तेँ बेगि द्रवउँ मैँ भाई । सो मम भगति भगत-सुखदाई ॥
dharma tem̐ birati joga tem̐ jñānā | jñāna moccha-prada beda bakhānā ||
jā tem̐ begi dravaum̐ maim̐ bhāī | so mama bhagati bhagata-sukhadāī ||
सो सुतन्त्र अवलम्ब न आना । तेहि आधीन ज्ञान बिज्ञाना ॥
भगति तात अनुपम सुखमूला । मिलइ जो सन्त होहिँ अनुकूला ॥
so sutantra avalamba na ānā | tehi ādhīna jñāna bijñānā ||
bhagati tāta anupama sukhamūlā | milai jo santa hohim̐ anukūlā ||
भगति कि साधन कहउँ बखानी । सुगम-पन्थ मोहि पावहिँ प्रानी ॥
प्रथमहिँ बिप्र चरन अति प्रीती । निज निज धरम निरत स्रुति रीती ॥
bhagati ki sādhana kahaum̐ bakhānī | sugama-pantha mohi pāvahim̐ prānī ||
prathamahim̐ bipra carana ati prītī | nija nija dharama nirata sruti rītī ||
एहि कर फल मन बिषय बिरागा । तब मम धरम उपज अनुरागा ॥
स्रवनादिक नव भगति दृढ़ाहीं । मम लीला रति अति मन माहीँ ॥
ehi kara phala mana biṣaya birāgā | taba mama dharama upaja anurāgā ||
sravanādika nava bhagati dṛr̤hāhīṃ | mama līlā rati ati mana māhīm̐ ||
सन्त-चरन-पङ्कज अति प्रेमा । मन क्रम बचन भजन दृढ़ नेमा ॥
गुरु पितु मातु बन्धु पति देवा । सब मोहि कहँ जानइ दृढ़ सेवा ॥
santa-carana-paṅkaja ati premā | mana krama bacana bhajana dṛr̤ha nemā ||
guru pitu mātu bandhu pati devā | saba mohi kaham̐ jānai dṛr̤ha sevā ||
मम गुन-गावत पुलक सरीरा । गदगद-गिरा नयन बह नीरा ॥
काम आदि मद दम्भ न जाकें । तात निरन्तर बस मैं ताकें ॥
mama guna-gāvata pulaka sarīrā | gadagada-girā nayana baha nīrā ||
kāma ādi mada dambha na jākeṃ | tāta nirantara basa maiṃ tākeṃ ||
बचन करम मन मोरि गति, भजन करहिं निःकाम ।
तिन्ह के हृदय-कमल महँ, करउँ सदा बिश्राम ॥
bacana karama mana mori gati, bhajana karahiṃ niḥkāma |
tinha ke hṛdaya-kamala maham̐, karaum̐ sadā biśrāma ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
