सूक्त 176: ऋभु और आगे लाए गए अग्नि

प्र सू॒नव॑ ऋभू॒णां बृ॒हन्न॑वन्त वृ॒जना॑ ।
क्षामा॒ ये वि॒श्वधा॑य॒सोऽश्न॑न्धे॒नुं न मा॒तर॑म्

pra sūnava ṛbhūṇāṃ bṛhannavanta vṛjanā |
kṣāmā ye viśvadhāyaso'śnandhenuṃ na mātaram

प्र दे॒वं दे॒व्या धि॒या भर॑ता जा॒तवे॑दसम् ।
ह॒व्या नो॑ वक्षदानु॒षक्

pra devaṃ devyā dhiyā bharatā jātavedasam |
havyā no vakṣadānuṣak

अ॒यमु॒ ष्य प्र दे॑व॒युर्होता॑ य॒ज्ञाय॑ नीयते ।
रथो॒ न योर॒भीवृ॑तो॒ घृणी॑वाञ्चेतति॒ त्मना॑

ayamu ṣya pra devayurhotā yajñāya nīyate |
ratho na yorabhīvṛto ghṛṇīvāñcetati tmanā

अ॒यम॒ग्निरु॑रुष्यत्य॒मृता॑दिव॒ जन्म॑नः ।
सह॑सश्चि॒त्सही॑यान्दे॒वो जी॒वात॑वे कृ॒तः

ayamagniruruṣyatyamṛtādiva janmanaḥ |
sahasaścitsahīyāndevo jīvātave kṛtaḥ