सूक्त 175: सोम के लिए जुते सिल-पत्थर

प्र वो॑ ग्रावाणः सवि॒ता दे॒वः सु॑वतु॒ धर्म॑णा ।
धू॒र्षु यु॑ज्यध्वं सुनु॒त

pra vo grāvāṇaḥ savitā devaḥ suvatu dharmaṇā |
dhūrṣu yujyadhvaṃ sunuta

ग्रावा॑णो॒ अप॑ दु॒च्छुना॒मप॑ सेधत दुर्म॒तिम् ।
उ॒स्राः क॑र्तन भेष॒जम्

grāvāṇo apa ducchunāmapa sedhata durmatim |
usrāḥ kartana bheṣajam

ग्रावा॑ण॒ उप॑रे॒ष्वा म॑ही॒यन्ते॑ स॒जोष॑सः ।
वृष्णे॒ दध॑तो॒ वृष्ण्य॑म्

grāvāṇa upareṣvā mahīyante sajoṣasaḥ |
vṛṣṇe dadhato vṛṣṇyam

ग्रावा॑णः सवि॒ता नु वो॑ दे॒वः सु॑वतु॒ धर्म॑णा ।
यज॑मानाय सुन्व॒ते

grāvāṇaḥ savitā nu vo devaḥ suvatu dharmaṇā |
yajamānāya sunvate