अध्याय 98: कलि के लक्षण: झूठे पण्डित और झूठे तपस्वी

बरन धर्म नहिँ आश्रम चारी । श्रुति बिरोध रत सब नर नारी ॥
द्विज श्रुति बेचक भूप प्रजासन । कोउ नहिं मान निगम अनुसासन ॥

barana dharma nahim̐ āśrama cārī | śruti birodha rata saba nara nārī ||
dvija śruti becaka bhūpa prajāsana | kou nahiṃ māna nigama anusāsana ||

मारग सोइ जा कहुँ जोइ भावा । पंडित सोइ जो गाल बजावा ॥
मिथ्यारम्भ दम्भ रत जोई । ता कहुँ, सन्त कहइ सब कोई ॥

māraga soi jā kahum̐ joi bhāvā | paṃḍita soi jo gāla bajāvā ||
mithyārambha dambha rata joī | tā kahum̐, santa kahai saba koī ||

सोइ सयान जो परधन हारी । जो कर दम्भ सो बड़ आचारी ॥
जो कह झूँठ मसखरी जाना । कलिजुग सोइ गुनवन्त बखाना ॥

soi sayāna jo paradhana hārī | jo kara dambha so bar̤a ācārī ||
jo kaha jhūm̐ṭha masakharī jānā | kalijuga soi gunavanta bakhānā ||

निराचार जो श्रुति पथ त्यागी । कलिजुग सोइ ज्ञानी सो बिरागी ॥
जा के नख अरु जटा बिसाला । सोइ तापस प्रसिद्ध कलिकाला ॥

nirācāra jo śruti patha tyāgī | kalijuga soi jñānī so birāgī ||
jā ke nakha aru jaṭā bisālā | soi tāpasa prasiddha kalikālā ||