अध्याय 97: पिछले कलियुग में अयोध्या में जन्म

तेहि कलिजुग कोसलपुर जाई । जन्मत भयउँ सूद्र तनु पाई ॥
सिव सेवक धन क्रम अरु बानी । आन देव निन्दक अभिमानी ॥

tehi kalijuga kosalapura jāī | janmata bhayaum̐ sūdra tanu pāī ||
siva sevaka dhana krama aru bānī | āna deva nindaka abhimānī ||

धन मद मत्त परम वाचाला । उग्रबुद्धि उर दम्भ बिसाला ॥
जदपि रहेउँ रघुपति रजधानी । तदपि न कछु महिमा तब जानी ॥

dhana mada matta parama vācālā | ugrabuddhi ura dambha bisālā ||
jadapi raheum̐ raghupati rajadhānī | tadapi na kachu mahimā taba jānī ||

अब जाना मैं अवध प्रभावा । निगमागम पुरान अस गावा ॥
कवनेहुँ जनम अवध बस जोई । राम परायन सो परि होई ॥

aba jānā maiṃ avadha prabhāvā | nigamāgama purāna asa gāvā ||
kavanehum̐ janama avadha basa joī | rāma parāyana so pari hoī ||

अवध प्रभाव जान तब प्रानी । जब उर बसहिँ राम धनु पानी ॥
सो कलिकाल कठिन उरगारी । पाप परायन सब नर नारी ॥

avadha prabhāva jāna taba prānī | jaba ura basahim̐ rāma dhanu pānī ||
so kalikāla kaṭhina uragārī | pāpa parāyana saba nara nārī ||