अध्याय 99: कलि में घर, गुरु और शिष्य बिगड़े

नारि बिबस नर सकल गोसाँई । नाचहिँ नट मरकट की नाई ॥
सूद्र द्विजन्ह उपदेसहिँ ज्ञानी । मेलि जनेऊ लेहिँ कुदाना ॥

nāri bibasa nara sakala gosām̐ī | nācahim̐ naṭa marakaṭa kī nāī ||
sūdra dvijanha upadesahim̐ jñānī | meli janeū lehim̐ kudānā ||

सब नर काम लोभ रत क्रोधी । बेद विप्र श्रुति सन्त बिरोधी ॥
गुन मन्दिर सुन्दर पति त्यागी । भजहिँ नारि पर पुरुष अभागी ॥

saba nara kāma lobha rata krodhī | beda vipra śruti santa birodhī ||
guna mandira sundara pati tyāgī | bhajahim̐ nāri para puruṣa abhāgī ||

सौभागिनीं बिभूषन हीना । बिधवन्ह के सिङ्गार नबीना ॥
गुरु सिष बधिर अन्ध कर लेखा । एक न सुनइ एक नहिँ देखा ॥

saubhāginīṃ bibhūṣana hīnā | bidhavanha ke siṅgāra nabīnā ||
guru siṣa badhira andha kara lekhā | eka na sunai eka nahim̐ dekhā ||

हरइ सिष्य धन सोक न हरई । सो गुरु घोर नरक महुँ परई ॥
मातु पिता बालकन्हि बोलाबहिं । उदर भरै सोइ धर्म सिखावहिँ ॥

harai siṣya dhana soka na haraī | so guru ghora naraka mahum̐ paraī ||
mātu pitā bālakanhi bolābahiṃ | udara bharai soi dharma sikhāvahim̐ ||