अध्याय 90: आधार बिना कुछ नहीं टिकता, भक्ति भी नहीं

बिनु सन्तोष न काम नसाहीं । काम अछत सुख सपनेहुँ नाहीं ॥
राम भजन बिनु मिटहिं कि कामा । थल बिहीन तरु कबहुँ कि जामा ॥

binu santoṣa na kāma nasāhīṃ | kāma achata sukha sapanehum̐ nāhīṃ ||
rāma bhajana binu miṭahiṃ ki kāmā | thala bihīna taru kabahum̐ ki jāmā ||

बिनु विज्ञान कि समता आवइ । कोउ अवकास कि नभ बिनु पावइ ॥
सदा बिना धरम नहिँ होई । बिनु महि गन्ध कि पावइ कोई ॥

binu vijñāna ki samatā āvai | kou avakāsa ki nabha binu pāvai ||
sadā binā dharama nahim̐ hoī | binu mahi gandha ki pāvai koī ||

बिनु तप-तेज कि कर बिस्तारा । जल बिनु रस कि होइ संसारा ॥
सील कि मिल बिनु बुध सेवकाई । जिमि बिनु तेज न रूप गोसाँई ॥

binu tapa-teja ki kara bistārā | jala binu rasa ki hoi saṃsārā ||
sīla ki mila binu budha sevakāī | jimi binu teja na rūpa gosām̐ī ||

निज सुख बिनु मन होइ कि थीरा । परस कि होइ बिहीन समीरा ॥
कवनिउँ सिद्धि कि बिनु बिस्वासा । बिनु हरि भजन न भव भय नासा ॥

nija sukha binu mana hoi ki thīrā | parasa ki hoi bihīna samīrā ||
kavanium̐ siddhi ki binu bisvāsā | binu hari bhajana na bhava bhaya nāsā ||