अध्याय 89: माया से मुक्त भुशुण्डि का निज अनुभव

मैं पुनि अवध रहेउँ कछु काला । देखेउँ बाल-बिनोद रसाला ॥
राम प्रसाद भगति बर पायउँ । प्रभु पद बन्दि निजाश्रम आयउँ ॥

maiṃ puni avadha raheum̐ kachu kālā | dekheum̐ bāla-binoda rasālā ||
rāma prasāda bhagati bara pāyaum̐ | prabhu pada bandi nijāśrama āyaum̐ ||

तब ते मोहि न ब्यापी माया । जब ते रघुनायक अपनाया ॥
यह सब गुप्त चरित मैं गावा । हरि मायाँ जिमि मोहि नचावा ॥

taba te mohi na byāpī māyā | jaba te raghunāyaka apanāyā ||
yaha saba gupta carita maiṃ gāvā | hari māyām̐ jimi mohi nacāvā ||

निज अनुभव अब कहउँ खगेसा । बिनु हरि भजन न जाहिँ कलेसा ॥
राम कृपा बिनु सुनु खगराई । जानि न जाइ राम प्रभुताई ॥

nija anubhava aba kahaum̐ khagesā | binu hari bhajana na jāhim̐ kalesā ||
rāma kṛpā binu sunu khagarāī | jāni na jāi rāma prabhutāī ||

जानें बिनु न होइ परतीती । बिनु परतीति होइ नहिं प्रीती ॥
प्रीति बिना नहिँ भगति दिढ़ाई । जिमि खगेस जल के चिकनाई ॥

jāneṃ binu na hoi paratītī | binu paratīti hoi nahiṃ prītī ||
prīti binā nahim̐ bhagati dir̤hāī | jimi khagesa jala ke cikanāī ||