अध्याय 81: हर ब्रह्माण्ड में वही बालक राम

लोक लोक प्रति भिन्न बिधाता । भिन्न बिष्नु सिव मनु दिसि त्राता ॥
नर गन्धर्व भूत बेताला । किन्नर निसिचर पसु खग ब्याला ॥

loka loka prati bhinna bidhātā | bhinna biṣnu siva manu disi trātā ||
nara gandharva bhūta betālā | kinnara nisicara pasu khaga byālā ||

देव दनुज गन नाना जाती । सकल जीव तहँ आनहिँ भाँती ॥
महि सरि सागर सर गिरि नाना । सब प्रपञ्च तहँ आनहिँ आना ॥

deva danuja gana nānā jātī | sakala jīva taham̐ ānahim̐ bhām̐tī ||
mahi sari sāgara sara giri nānā | saba prapañca taham̐ ānahim̐ ānā ||

अंडकोस प्रति प्रति निज रूपा । देखेउँ जिनस अनेक अनूपा ॥
अवधपुरी प्रति भुवन निहारी । सरजू भिन्न भिन्न नर नारी ॥

aṃḍakosa prati prati nija rūpā | dekheum̐ jinasa aneka anūpā ||
avadhapurī prati bhuvana nihārī | sarajū bhinna bhinna nara nārī ||

दसरथ कौसल्या सुनु ताता । विविध रूप भरतादिक भ्राता ॥
प्रति ब्रह्मांड राम अवतारा । देखउँ बालबिनोद उदारा ॥

dasaratha kausalyā sunu tātā | vividha rūpa bharatādika bhrātā ||
prati brahmāṃḍa rāma avatārā | dekhaum̐ bālabinoda udārā ||