अध्याय 80: श्रीराम के उदर में अनगिनत ब्रह्माण्ड

मूदेउँ नयन त्रसित जब भयउँ । पुनि चितवत कोसलपुर गयऊँ ॥
मोहि बिलोकि राम मुसुकाहीँ । बिहँसत तुरत गयउँ मुख माहीँ ॥

mūdeum̐ nayana trasita jaba bhayaum̐ | puni citavata kosalapura gayaūm̐ ||
mohi biloki rāma musukāhīm̐ | biham̐sata turata gayaum̐ mukha māhīm̐ ||

उदर माँझ सुनु अंडज राया । देखउं बहु ब्रह्मांड निकाया ॥
अति विचित्र तहँ लोक अनेका । रचना अधिक एक ते एका ॥

udara mām̐jha sunu aṃḍaja rāyā | dekhauṃ bahu brahmāṃḍa nikāyā ||
ati vicitra taham̐ loka anekā | racanā adhika eka te ekā ||

कोटिन्ह चतुरानन गौरीसा । अगनित उडुगन रवि रजनीसा ॥
अगनित लोकपाल जम काला । अगनित भूधर भूमि बिसाला ॥

koṭinha caturānana gaurīsā | aganita uḍugana ravi rajanīsā ||
aganita lokapāla jama kālā | aganita bhūdhara bhūmi bisālā ||

सागर सरि सर बिपिन अपारा । नाना भाँति सृष्टि बिस्तारा ॥
सुर मुनि सिद्ध नाग नर किन्नर । चारि प्रकार जीव सचराचर ॥

sāgara sari sara bipina apārā | nānā bhām̐ti sṛṣṭi bistārā ||
sura muni siddha nāga nara kinnara | cāri prakāra jīva sacarācara ||