अध्याय 77: बालक की क्रीड़ा, कौए का मोह

अरुन पानि नख करज मनोहर । बाहु बिसाल बिभूषन सुन्दर ॥
कन्ध बाल केहरि दर ग्रीवाँ । चारु चिबुक आनन छबि सींवा ॥

aruna pāni nakha karaja manohara | bāhu bisāla bibhūṣana sundara ||
kandha bāla kehari dara grīvām̐ | cāru cibuka ānana chabi sīṃvā ||

कलबल बचन अधर अरुनारे । दुइ दुइ दसन बिसद बर बारे ॥
ललित, कपोल मनोहर नासा । सकल सुखद ससि कर सम हासा ॥

kalabala bacana adhara arunāre | dui dui dasana bisada bara bāre ||
lalita, kapola manohara nāsā | sakala sukhada sasi kara sama hāsā ||

नील कञ्ज लोचन भव मोचन । भ्राजत भाल तिलक गोरोचन ॥
बिकट भृकुटि सम श्रवन सुहाये । कुञ्चित कच मेचक छवि छाये ॥

nīla kañja locana bhava mocana | bhrājata bhāla tilaka gorocana ||
bikaṭa bhṛkuṭi sama śravana suhāye | kuñcita kaca mecaka chavi chāye ||

पीत झीनि झगुली तन सोही । किलकनि चितवनि भावति मोही ॥
रूप रासि नृप अजिर बिहारी । नाचहिँ निज प्रतिबिम्ब निहारी ॥

pīta jhīni jhagulī tana sohī | kilakani citavani bhāvati mohī ||
rūpa rāsi nṛpa ajira bihārī | nācahim̐ nija pratibimba nihārī ||

मोहि सन करहीँ बिबिध बिधि क्रीड़ा । बरनत मोहि होति अति ब्रीड़ा ॥
किलकत मोहि धरन जन धावहिँ । चलउँ भागि तम पूप देखावहिँ ॥

mohi sana karahīm̐ bibidha bidhi krīr̤ā | baranata mohi hoti ati brīr̤ā ||
kilakata mohi dharana jana dhāvahim̐ | calaum̐ bhāgi tama pūpa dekhāvahim̐ ||