अध्याय 76: राजमहल का आँगन और बालक राम की छवि

कहइ भसुंड सुनहु खगनायक । रामचरित सेवक सुखदायक ॥
नृप मन्दिर सुन्दर सब भाँती । खचित कनक मनि नाना जाती ॥

kahai bhasuṃḍa sunahu khaganāyaka | rāmacarita sevaka sukhadāyaka ||
nṛpa mandira sundara saba bhām̐tī | khacita kanaka mani nānā jātī ||

बरनि न जाइ रुचिर अँगनाई । जहँ खेलहिं नित चारिउ भाई ॥
बाल-बिनोद करत रघुराई । बिचरत अजिर जननि सुखदाई ॥

barani na jāi rucira am̐ganāī | jaham̐ khelahiṃ nita cāriu bhāī ||
bāla-binoda karata raghurāī | bicarata ajira janani sukhadāī ||

मरकत मृदुल कलेवर-स्यामा । अङ्ग अङ्ग प्रति छबि बहु कामा ॥
नव राजीव अरुन मृदु चरना । पदज रुचिर नख ससि दुति हरना ॥

marakata mṛdula kalevara-syāmā | aṅga aṅga prati chabi bahu kāmā ||
nava rājīva aruna mṛdu caranā | padaja rucira nakha sasi duti haranā ||

ललित अङ्क कुलिसादिक चारी । नूपुर चारू मधुर रव कारी ॥
चारु पुरट मनि रचित बनाई । कटि किंकिन कल मुखर सुहाई ॥

lalita aṅka kulisādika cārī | nūpura cārū madhura rava kārī ||
cāru puraṭa mani racita banāī | kaṭi kiṃkina kala mukhara suhāī ||