अध्याय 78: जीव और ईश्वर, भजन बिना शान्ति नहीं

एतना मन आनत खगराया । रघुपति प्रेरित ब्यापी माया ॥
सो माया न दुखद मोहि काहीं । आन जीव इव संसृत नाहीं ॥

etanā mana ānata khagarāyā | raghupati prerita byāpī māyā ||
so māyā na dukhada mohi kāhīṃ | āna jīva iva saṃsṛta nāhīṃ ||

नाथ इहाँ कछु कारन आना । सुनहु सो सावधान हरिजाना ॥
ज्ञान अखंड एक सीताबर । माया बस्य जीव सचराचर ॥

nātha ihām̐ kachu kārana ānā | sunahu so sāvadhāna harijānā ||
jñāna akhaṃḍa eka sītābara | māyā basya jīva sacarācara ||

जौँ सब कें रह ज्ञान एकरस । ईस्वर जीवहि भेद कहहु कस ॥
माया बस्य जीव अभिमानी । ईस बस्य माया गुन खानी ॥

jaum̐ saba keṃ raha jñāna ekarasa | īsvara jīvahi bheda kahahu kasa ||
māyā basya jīva abhimānī | īsa basya māyā guna khānī ||

परबस जीव स्वबस भगवन्ता । जीव अनेक एक श्रीकन्ता ॥
मुधा भेद जद्यपि कृत माया । बिनु हरि जाइ न कोटि उपाया ॥

parabasa jīva svabasa bhagavantā | jīva aneka eka śrīkantā ||
mudhā bheda jadyapi kṛta māyā | binu hari jāi na koṭi upāyā ||