अध्याय 71: माया की सेना और उसकी दासता

गुन कृत सन्यपात नहिँ केही । कोउ न मान मद तजेउ निबेही ॥
जोबन ज्वर केहि नहिँ बलकावा । ममता केहि कर जल न नसावा ॥

guna kṛta sanyapāta nahim̐ kehī | kou na māna mada tajeu nibehī ||
jobana jvara kehi nahim̐ balakāvā | mamatā kehi kara jala na nasāvā ||

मच्छर काहि कलङ्क न लावा । काहि न सोक समीर डोलावा ॥
चिन्ता साँपिनि को नहिं खाया । को जग जाहि न ब्यापी माया ॥

macchara kāhi kalaṅka na lāvā | kāhi na soka samīra ḍolāvā ||
cintā sām̐pini ko nahiṃ khāyā | ko jaga jāhi na byāpī māyā ||

कीट मनोरथ दारु सरीरा । जेहि न लाग घुन को अस धीरा ॥
सुत वित लोक ईषना तीनी । केहि कै मति इन्ह कृत न मलीनी ॥

kīṭa manoratha dāru sarīrā | jehi na lāga ghuna ko asa dhīrā ||
suta vita loka īṣanā tīnī | kehi kai mati inha kṛta na malīnī ||

यह सब माया कर परिवारा । प्रबल अमिति को बरनै पारा ॥
सिव चतुरानन जाहि डेराहीं । अपर जीव केहि लेखे माहीं ॥

yaha saba māyā kara parivārā | prabala amiti ko baranai pārā ||
siva caturānana jāhi ḍerāhīṃ | apara jīva kehi lekhe māhīṃ ||