अध्याय 70: भुशुण्डि: मोह ने किसे नहीं छला

बोलेउ काकभसुंड बहोरी । नभग नाथ पर प्रीति न थोरी ॥
सब विधि नाथ पूज्य तुम्ह मेरे । कृपापात्र रघुनायक केरे ॥

boleu kākabhasuṃḍa bahorī | nabhaga nātha para prīti na thorī ||
saba vidhi nātha pūjya tumha mere | kṛpāpātra raghunāyaka kere ||

तुम्हहि न संसय मोह न माया । मो पर नाथ कीन्ह तुम्ह दाया ॥
पठइ मोह मिस खगपति तोही । रघुपति दीन्हि बड़ाई मोही ॥

tumhahi na saṃsaya moha na māyā | mo para nātha kīnha tumha dāyā ||
paṭhai moha misa khagapati tohī | raghupati dīnhi bar̤āī mohī ||

तुम्ह निज मोह कही खग साईं । सो नहिँ कछु आचरज गोसाँई ॥
नारद मय बिरञ्चि सनकादी । जे मुनिनायक आतमबादी ॥

tumha nija moha kahī khaga sāīṃ | so nahim̐ kachu ācaraja gosām̐ī ||
nārada maya birañci sanakādī | je munināyaka ātamabādī ||

मोह न अन्ध कीन्ह केहि केही । को जग काम नचाव न जेही ॥
तृस्नाँ केहि न कीन्ह बौराहा । केहि कर हृदय क्रोध नहिं दाहा ॥

moha na andha kīnha kehi kehī | ko jaga kāma nacāva na jehī ||
tṛsnām̐ kehi na kīnha baurāhā | kehi kara hṛdaya krodha nahiṃ dāhā ||