अध्याय 7: कौसल्या पुत्र को निहारती हैं

सासुन्ह सबनि मिली बैदेही । चरनन्हि लागि हरष अति तेही ॥
देहिँ असीस बूझि कुसलाता । होइ अचल तुम्हार अहिवाता ॥

sāsunha sabani milī baidehī | carananhi lāgi haraṣa ati tehī ||
dehim̐ asīsa būjhi kusalātā | hoi acala tumhāra ahivātā ||

सब रघुपति मुख-कमल बिलोकहिँ । मङ्गल जानि नयन जल रोकहिँ ॥
कनक थार आरती उतारहिं । बार बार प्रभु गात निहारहिं ॥

saba raghupati mukha-kamala bilokahim̐ | maṅgala jāni nayana jala rokahim̐ ||
kanaka thāra āratī utārahiṃ | bāra bāra prabhu gāta nihārahiṃ ||

नाना भाँति निछावरि करहीं । परमानन्द हरष उर भरहीं ॥
कौसल्या पुनि पुनि रघुबीरहि । चितवति कृपासिन्धु रनधीरहि ॥

nānā bhām̐ti nichāvari karahīṃ | paramānanda haraṣa ura bharahīṃ ||
kausalyā puni puni raghubīrahi | citavati kṛpāsindhu ranadhīrahi ||

हृदयँ बिचारति बारहिँ बारा । कवन भाँति लङ्कापति मारा ॥
अति सुकुमार जुगल मेरे बारे । निसिचर सुभट महाबल भारे ॥

hṛdayam̐ bicārati bārahim̐ bārā | kavana bhām̐ti laṅkāpati mārā ||
ati sukumāra jugala mere bāre | nisicara subhaṭa mahābala bhāre ||