अध्याय 61: शिव का उपदेश, सत्संग बिना कथा नहीं

तेहिं मम पद-सादर सिरु नावा । पुनि आपन सन्देह सुनावा ॥
सुनि ता करि बिनती मृदु बानी । परेम सहित में कहेउँ भवानी ॥

tehiṃ mama pada-sādara siru nāvā | puni āpana sandeha sunāvā ||
suni tā kari binatī mṛdu bānī | parema sahita meṃ kaheum̐ bhavānī ||

मिलेहु गरुड़ मारग महँ मोही । कवन भाँति समुझावौं तोही ॥
तबहिं होइ सब संसय भङ्गा । जब बहु काल करिय सतसंगा ॥

milehu garur̤a māraga maham̐ mohī | kavana bhām̐ti samujhāvauṃ tohī ||
tabahiṃ hoi saba saṃsaya bhaṅgā | jaba bahu kāla kariya satasaṃgā ||

सुनिय तहाँ हरि कथा सुहाई । नाना भाँति मुनिन्ह जो गाई ॥
जेहि महँ आदि मध्य अवसाना । प्रभु प्रतिपाद्य राम भगवाना ॥

suniya tahām̐ hari kathā suhāī | nānā bhām̐ti muninha jo gāī ||
jehi maham̐ ādi madhya avasānā | prabhu pratipādya rāma bhagavānā ||

नित हरिकथा होति जहँ भाई । पठवउँ तहाँ सुनहु तुम्ह जाई ॥
जाइहि सुनत सकल सन्देहा । राम चरन होइहि अति नेहा ॥

nita harikathā hoti jaham̐ bhāī | paṭhavaum̐ tahām̐ sunahu tumha jāī ||
jāihi sunata sakala sandehā | rāma carana hoihi ati nehā ||