अध्याय 60: ब्रह्मा गरुड़ को शिव के पास भेजते हैं

तब खगपति बिरञ्चि पहिँ गयऊ । निज सन्देह सुनावत भयऊ ॥
सुनि बिरञ्चि रामहि सिर नावा । समुझि प्रताप प्रेम उर छावा ॥

taba khagapati birañci pahim̐ gayaū | nija sandeha sunāvata bhayaū ||
suni birañci rāmahi sira nāvā | samujhi pratāpa prema ura chāvā ||

मन महुँ करइ बिचार बिधाता । माया बस कबि कोबिद ज्ञाता ॥
हरि माया कर अमित प्रभावा । बिपुल बार जेहिं मोहि नचावा ॥

mana mahum̐ karai bicāra bidhātā | māyā basa kabi kobida jñātā ||
hari māyā kara amita prabhāvā | bipula bāra jehiṃ mohi nacāvā ||

अग जगमय जग मय सब सम उपराजा । नहिं आचरज मोह खगराजा ॥
तब बोले विधि गिरा सुहाई । जान महेस राम प्रभुताई ॥

aga jagamaya jaga maya saba sama uparājā | nahiṃ ācaraja moha khagarājā ||
taba bole vidhi girā suhāī | jāna mahesa rāma prabhutāī ||

बैनतेय सङ्कर पहिं जाहू । तात अनत पूछहु जनि काहू ॥
तहँ होइहि तव संसय हानी । चलेउ बिहङ्ग सुनत बिधि बानी ॥

bainateya saṅkara pahiṃ jāhū | tāta anata pūchahu jani kāhū ||
taham̐ hoihi tava saṃsaya hānī | caleu bihaṅga sunata bidhi bānī ||