अध्याय 59: व्याकुल गरुड़ को नारद ब्रह्मा के पास भेजते हैं

नाना भाँति मनहि समुझावा । प्रगट न ज्ञान हृदयँ भ्रम छावा ॥
खेद खिन्न मन तर्क बढ़ाई । भयउ मोह बस तुम्हरिहिं नाँई ॥

nānā bhām̐ti manahi samujhāvā | pragaṭa na jñāna hṛdayam̐ bhrama chāvā ||
kheda khinna mana tarka bar̤hāī | bhayau moha basa tumharihiṃ nām̐ī ||

व्याकुल गयउ देवरिषि पाहीं । कहेसि जो संसय निज मन माहीं ॥
सुनि नारदहि लागि अति दाया । सुनु खग प्रबल राम के माया ॥

vyākula gayau devariṣi pāhīṃ | kahesi jo saṃsaya nija mana māhīṃ ||
suni nāradahi lāgi ati dāyā | sunu khaga prabala rāma ke māyā ||

जो ज्ञानिन्ह कह चित अपहरई । बरिआई बिमोह मन करई ॥
जेहिं बहु बार नचावा मोही । सोइ ब्यापी बिहङ्गपति तोही ॥

jo jñāninha kaha cita apaharaī | bariāī bimoha mana karaī ||
jehiṃ bahu bāra nacāvā mohī | soi byāpī bihaṅgapati tohī ||

महामोह उपजा उर तोरें । मिटिहि न बेगि कहें खग मोरें ॥
चतुरानन पहिं जाहु खगेसा । सोइ करेहु जेहि होइ निदेसा ॥

mahāmoha upajā ura toreṃ | miṭihi na begi kaheṃ khaga moreṃ ||
caturānana pahiṃ jāhu khagesā | soi karehu jehi hoi nidesā ||