अध्याय 50: अमराई में श्रीराम, पंखा झलते हनुमान

अस कहि मुनि बसिष्ठ गृह आये । कृपासिन्धु के मन अति भाये ॥
हनूमान भरतादिक भ्राता । सङ्ग लिये सेवक सुखदाता ॥

asa kahi muni basiṣṭha gṛha āye | kṛpāsindhu ke mana ati bhāye ||
hanūmāna bharatādika bhrātā | saṅga liye sevaka sukhadātā ||

पुनि कृपाल पुर बाहेर गये । गज रथ तुरग मगावत भये ॥
देखि कृपा करि सकल सराहे । दिये उचित जिन्ह जिन्ह तेइ चाहे ॥

puni kṛpāla pura bāhera gaye | gaja ratha turaga magāvata bhaye ||
dekhi kṛpā kari sakala sarāhe | diye ucita jinha jinha tei cāhe ||

हरन सकल श्रम प्रभु श्रम पाई । गये जहाँ सीतल अवँराई ॥
भरत दीन्ह निज बसन डसाई । बैठे प्रभु सेवहिं सब भाई ॥

harana sakala śrama prabhu śrama pāī | gaye jahām̐ sītala avam̐rāī ||
bharata dīnha nija basana ḍasāī | baiṭhe prabhu sevahiṃ saba bhāī ||

मारुतसुत तब मारुत करई । पुलक बपुष लोचन जल भरई ॥
हनूमान समान बड़-बड़भागी । नहिँ कोउ राम-चरन अनुरागी ॥

mārutasuta taba māruta karaī | pulaka bapuṣa locana jala bharaī ||
hanūmāna samāna bar̤a-bar̤abhāgī | nahim̐ kou rāma-carana anurāgī ||

गिरिजा जासु प्रीति सेवकाई । बार बार प्रभु निज मुख गाई ॥

girijā jāsu prīti sevakāī | bāra bāra prabhu nija mukha gāī ||