अध्याय 49: वसिष्ठ का एक वरदान माँगना

जप तप नियम जोग निज धर्मा । श्रुति सम्भव नाना सुभ कर्मा ॥
ज्ञान दया दम तीरथ-मज्जन । जहँ लगि धरम कहत श्रुति सज्जन ॥

japa tapa niyama joga nija dharmā | śruti sambhava nānā subha karmā ||
jñāna dayā dama tīratha-majjana | jaham̐ lagi dharama kahata śruti sajjana ||

आगम निगम पुरान अनेका । पढ़े सुने कर फल प्रभु एका ॥
तब पद पङ्कज प्रीति निरन्तर । सब साधन कर यह फल सुन्दर ॥

āgama nigama purāna anekā | par̤he sune kara phala prabhu ekā ||
taba pada paṅkaja prīti nirantara | saba sādhana kara yaha phala sundara ||

छूटइ मल कि मलहि के धोये । घृत कि पाव कोउ बारि बिलोये ॥
प्रेम-भगति जल बिनु रघुराई । अभिअन्तर मल कबहुँ न जाई ॥

chūṭai mala ki malahi ke dhoye | ghṛta ki pāva kou bāri biloye ||
prema-bhagati jala binu raghurāī | abhiantara mala kabahum̐ na jāī ||

सोइ सर्बग्य तज्ञ सोइ पंडित । सोइ गुन गृह विज्ञान अखंडित ॥
दच्छ सकल लच्छन जुत सोई । जाकें पद-सरोज रति होई ॥

soi sarbagya tajña soi paṃḍita | soi guna gṛha vijñāna akhaṃḍita ||
daccha sakala lacchana juta soī | jākeṃ pada-saroja rati hoī ||